Senatorê Amerîkî daxwaza piştgiriya Kurdên li Sûriyê dike

Ajans

Senatorekî Amerîkî Lindsey Graham

Senatorekî Amerîkî roja Çarşemê banga piştgiriyê ji bo Kurdên li Sûrîyê û ji bo bidestxistina aştiyê li Rojhilata Navîn kir.
Senatorê Demokrat Chris Coons li X got: Hevpeymanên me yên Kurd li Sûriyê her gav di nav hevkarên me yên herî bibandor de di şerê li dijî DAIŞê de bûn. Divê Dewletên Yekbûyî yên Amerîkayê piştgiriya hevkarên xwe yên Kurd di lêgerîna me ya aştiyê li Rojhilata Navîn de berdewam bike.

Ji alîyê xwe ve, Sînetorê Komarî Lindsey Graham, hevalbendê nêzîk ê Serokê Amerîkayê Donald Trump, nîgeranîya xwe ya kûr li ser rewşa xirab a li Sûrîyê anî ziman û hişyarî da ku Kurd bi gefên cidî re rû bi rû ne.

Di postekê de li ser heman malperê, Graham girîngiya stratejîk a hêzên Kurdî tekez kir û wan wekî "hevpeymanekî sereke di têkbirina xîlafeta DAIŞê de" bi nav kir. Wî hişyarî da ku destberdana ji kurdan wê ji bo navûdeng û berjewendîyên ewlehîya neteweyî ya Amerîkayê karesatek be.
Ji bo çareserkirina vê rewşê, Graham niyeta xwe ya pêşkêşkirina qanûnek nû vê hefteyê ragihand û diyar kir ku "Qanûna Rizgarkirina Kurdan" armanc dike ku cezayên giran li ser her hikûmet an komeke ku di kiryarên dijminane yên li dijî gelê Kurd de beşdar e ferz bike.

Graham tekez kir ku pirojeyasa ji bo bihêz û bibandor be hatiye çêkirin, û baweriya xwe ya wergirtina piştgiriyek bihêz a du-alî (Komarî, Demokratî) li Kongresê anî ziman.

PUKMEDIA