Çekdarên Sûrî parêzerekî Kurd li bajarê Reqa kuştin

Medya

Parêzer Silêman Îsmayîl

Parêzerekî Kurd dema ku hewl dida ji bajarê Reqayê derkeve û ber bi bajarê Kobaniyê ve biçe, bi guleyênvçekdarên Hikûmeta Demkî ya Sûiyê ve hate kuştin.

Serokê Rêxstina Mafê Mirova yê Efrînê Îbrahîm Şêxo ragihand ku parêzerekî Kurd roja Yekşemê, 18ê Çile, dema ku hewl dida bireve ber bi bajarê Kobanî ve, ji aliyê çekdarên hikûmeta demkî  ya Sûriyê ve li bajarê Reqayê hate kuştin.

Parêzer Silêman Îsmayîl ji gundê Quneytre Şêxan yê gundewarê Kobaniyê ye ku li bajarê Reqayê dijiya, di dema koçberiya xwe ji bajêr piştî dijwarbûna şerê li herêmê ji aliyê çekdarên hikûmeta demkî yê Sûriyê ve ew hat gulebaran kirin û di encamê de jiyana xwe ji dest da.

Ev yek di demekê de ye ku , gelek malbatên Kurd yên li bajarên Reqa û Tebqa dijyan dema ku hewl didan ji wan bajaran derkevin, ji ber sedemên nijadperestî û li ser bingeha nasnameya wan ya Kurdî hatin kuştin.

PUKMEDIA