Daxuyaniya HSD di Salvegera rizgarkirina Kobanê ji dest rêxistina DAÎŞê

PUKMEDIA

Logoya HSD

Îro 26/1/2026 bi boneya salvegera yazdemîn a rizgarkirina bajarê Kobanê ya li Rojavayê Kurdistanê ji dest rêxistina teorîst a DAÎŞê, Fermandariya Hêzên Sûriyeya Demokratîk belavokek weşand. Ev naveroka belavokê ye:

Daxuyaniya Fermandariya Giştî bi boneya Salvegera Yanzdehemîn a rizgarkirina Kobaniyê ji DAIŞê
Salvegera yanzdehemîn a rizgarkirina Kobaniyê ji rêxistina terorîst a DAIŞê wekî yek ji kêliyên herî girîng di dîroka têkoşîna li dijî terorîzma cîhanî de tê. Ev serkeftina dîrokî destpêka hilweşîna rastîn a rêxistina terorîst a herî metirsîdar û hovane ya ku cîhana nûjen heya niha nas kiriye nîşan da, û ew rastiya destnîşan kir ku vîna gelên azad û rêxistinkirî, dikare projeyên tarîtî û barbariyê têk bibe.

Şerê Kobaniyê di her wateya peyvê de şerekî çarenûsê bû. Ew ne tenê parastina bajarekî bû, lê parastina nirxên mirovan û mafê gelan ê jiyan, azadî û rûmetê bû. Di kêliyek dîrokî ya girîng de, şervanên Yekîneyên Parastina Gel (YPG) û Yekîneyên Parastina Jinan (YPJ) li dijî projeyek sîstematîk a qirkirinê rawestiyan, bi vî rengî rê li ber rizgarkirina deverên berfireh ên Sûriyeyê vekirin û dawî li berfirehbûna wê ya xwînî li herêmê anîn.

Di vê salvegera girîng de, Fermandariya Giştî ya Hêzên Sûriya Demokratîk şehîdên Şerê Kobaniyê û hemû şehîdên şerê li dijî DAIŞê, yên ku canê xwe ji bo parastina azadî, rûmet û jiyana hevbeş feda kirin, bi rêz û hurmeteke mezin bi bîr tîne. Her wiha şervanên xwe, çi jin çi mêr, yên ku barê vê rûbirûbûna dîrokî kişandin, silav dike.

Serkeftina li Kobaniyê bê guman îspat kir ku DAIŞ ne tenê rêxistineke leşkerî bû, lê belê projeyek tarî û navneteweyî bû ku mirovahiyê, nirxên wê û pêşeroja wê armanc digirt. Têkçûna wê li Kobaniyê ne tenê têkçûneke leşkerî bû, lê têkçûneke fikir û exlaqî jî bû ku bingehên wê hilweşand û felsefeya wê ya li ser teror û tirsê ava bûye, şikand. Bi vî awayî, Kobanî destpêka rastîn a dawiya DAIŞê nîşan da, û peyameke bilind ji bo cîhanê ku tundrewî nikare li hember vîna gelên azad bisekine.

Îro, yanzdeh sal piştî wê serkeftina dîrokî, bajarê Kobaniyê careke din rastî êrîşan, dorpêçkirin û zexteke bênavber tê di hewldanên eşkere de ji bo têkbirina îradeya gelê xwe û hilweşandina aramiya ku bi qurbaniyên mezin hatiye bidestxistin. Armancgirtina Kobaniyê îro êrîşeke rasterast li ser sembolîzma serkeftina li ser DAIŞê ye, hewldanek ji bo tolhildanê li bajarekî ku projeya wê têk biriye, û nikare ji hewldanên têkbirina projeya aramiyê û vekirina deriyên tevlihevxistinê û vegera terorîzmê were veqetandin.
 Di vê çarçoveyê de, Hêzên Sûriya Demokratîk pabendbûna xwe ya tevahî ji bo berdewamiya şerê li dijî DAIŞê nû dikin, û hişyariyê didin ku her bê aramiyek li deverên Bakur û Rojhilatê Sûriyê gefê li ewlehiya herêmî û navneteweyî dixwe, û derfetên rastîn dide rêxistinên terorîst ku ji nû ve xwe birêxistin bikin û çalakiyên xwe ji nû ve bidin destpêkirin.
Di vê boneyê de Fermandariyê peyameke zelal arastey Civaka Navneteweyî kir û got: parastina destkeftiyên serkeftinê li ser DAIŞê û misogerkirina ewlehî û aramiya deverên ku di vî şerî de bedelên giran dane ne hilbijartinek siyasî ye, lê berpirsiyariyek exlaqî û qanûnî ya hevpar e. Bêdengiya li ser rewşa Kobanî berevajî qurbaniyên ku ji bo têkbirina terorê hatine kirin e û hewldanên navneteweyî yên ji bo şerê li dijî wê lawaz dike.

Di encamê de, HSD piştrast dike ku Kobanê dê sembolek domdar a berxwedan û sebirê bimîne, û serkeftina ku yazdeh sal berê bi dest xistiye ne tenê bîranînek e ku were bîranîn, lê sozek nûvekirî ye ji bo parastina azadiyê, parastina destkeftiyên şehîdan, û avakirina pêşerojek ewle û demokratîk ji bo hemî gelên Sûriyeyê.

Fermandariya Giştî ya Hêzên Sûriya Demokratîk
26ê Çileya 2026

PUKMEDIA