Mezlûm Ebdî: Spasiya alîkariyên Serok Bafil û hemû serkirdeyên Kurd dikim

Medya

General Mazlûm Ebdî, Fermandarê Giştî yê Hêzên Sûriye Demokratîk

General Mazlûm Ebdî, Fermandarê Giştî yê Hêzên Sûriye Demokratîk, roja Yekşemê got:Em amade ne ku di demek nêzîk de peymanê bicîh bînin, û li ser gelek mijaran lihevkirin hene.

Ebdî di hevpeyvînekê de bi kanala Kurdî ya Ronahî re berdewam kir got:Emê ji dema agirbestê sûd werbigirin û hewl bidin ku di vê demê de li ser peymana 18ê Kanûnê pêşveçûnek pratîkî bikin.

Her weha aşkere kir ku, li gorî peymanê, hêzên hikûmetê dê nekevin deverên Kurdî, lê saziyên me dê bi saziyên hikûmetê re werin yek kirin.

Ebdî piştrast kir ku kanalên danûstandinê rojane bi dewleta Sûriyê re vekirî ne, û Amerîka bi riya saziyên xwe yên siyasî û leşkerî di danûstandinan de ne.

Fermandarê HSDê her wiha got:Me nav ji bo postên hikûmetê pêşniyar kirin, di nav de alîkarê wezîrê parastinê û parêzgarê Hesekê, lê hîna lîsteyek li ser nehatiye lihevkirin."

Her weha got: Kobanî dê qonaxa bê bi rê ve bibe, û me ji hêzên hikûmetê xwest ku nekevin gundên Kurdan ên li wir. Wan razî bûn, ji ber ku hesasiyeta mijarê fêm dikirin.

Wî destnîşan kir ku rêberên siyasî yên Kurd li Herêma Kurdistanê Serok Bafil Celal Talebanî û Mesûd Barzanî ,û rêberên Îraq û Turkiyê di vê qonaxê de, ku wî wekî "hestyar û girîng" bi nav kir, piştgiriyê didin wan, di heman demê de hişyarî da ku di vê qonaxê de nekevin nav nijadperestî û mezhebîperestiyê.

Ebdî got:Tiştên ku li deverên Kurdan li vir li hev bikin, dê li Efrîn û Serê Kaniyê jî werin sepandin, û tekez kir ku hemû kesên ku ji binpêkirinan berpirsyar in dê bi rêyên yasayî hesab bidin.

Her weha tekez kir ku,herêmên Kurdî li Sûriyê hêla sor in û ewê heta şervanê dawî li wir şer bikin, û kes dê di vî şerî de bi ser nekeve.

PUKMEDIA