Nisrîn Ebdula: Em Sûryeyek ku mafê mirovan têde parastî be dixwazin

PUKMEDIA

fermandareke Yekîneyên Parastina Gel Nisrîn Ebdula

Îro Pêncşemê 22/1/2026 de, di beşdabûna di kongireyeke rojnamevanî de bi rêya vidyoyê ji nav bajarê Kobanê ve, fermandareke Yekîneyên Parastina Gel Nisrîn Ebdula behsa rewşa meydanî li Rojavayê Kurdistanê û Kobanê bi taybetî kir, û got tiştê ku niha li Rojavayê Kurdistanê rû dide li ser tevaniya nirxê şoreşa  gelê Sûriyê ye, dema ku ev nirx têne binpêkirin xewn û xeyalên gel hildiweşîne.

Di axaftina xwe de Nisrîn Ebdula behsa wê yekê kir ku Kurd çi di milê eskerî de be xwe parastine û ev êrîş êşe ji wan re, Têkoşîna ku wan ji 2011 ve dabû dest pê kirin ji bow ê yekê bû ku Sûryeyek ava têde kerameta mirov parastî û misoger be bû, lê tiştên qirêj ku têne kirin vê armancê ji hole radike.

Di dema ku ereb ji her deverê ji Sûriyê ber bi Bakur û Rojavayê Sûriyê ve koçber bûn hemû hêzên me erkên xwe bo parastinê pêk anîn û gelê me nan xwe li gel wan parve kir, lê niha ew necedperestiyê li hember me tînin bikar anîn, tiştên herî qirêj li hember hêzên me ku bi dîl hatine kirin dikin.
Got jî agirbestên ku têne ragihandin bê wate ne, ji ber ku niha di van kêliyan de êrîş li Reqa û Kobanê her berdewam dikin, lê eger radestkirin li ser me were ferz kirin, berê me gotiye yan jiyaneke bi rûmet di welateke azad de û yan şehadet, emê çawa xwe radestî rêjîmekê bikin ku me mirov nabîne û serê me qut dike û keçên me difroşin û her tiştekî qirêj bi serî me tine. Di dirêjehiya axaftinê xwe de got ema made ne ji bo giyalogê, daxwaz ji navpeynkaran kir ku bibin dostên rastî û bighêjin lihevkirinekê û heta wê demê ewê xelkên xwe biparêzin.

Avakirina Sûryeya nûh bi awayê DAÎŞan wê bandore li tevahiya cîhanê bike ne tenê herêmên derdorê, dive cîhan ji vê yekê haydar be.
Amaje bi wê yekê kir ku vekşîna wan ji wê yekê bû ku komkujî çênebin, lê hatina herêmên me xeta sore, ji ber ku ew bi armanca qirkirinê ye, dema ku em zîndanên DAÎŞê diparêzin ew ji bo rêgirîkirin li têkbirina ewlehî û komkujiyane. 
 
Li Kobanî ti hêzên navneteweyî tune ne, û got li gor van êrîşên ku bi ser me de têne kirin, em ti piştgiriyê nabînin, kuştin û êrîş berdewamin tenê peyamên radestkirinê hene.
Hêzên wan niha li Reqayê parastina zîndana DAÎŞyan dikin, êrîşên giran li ser wan hene ku zîndanê bidest xwe bixin,dosyayên her girtiyekî di wê zîndanê de bi dest me de hene ew hemû çete û terorîstin.
Derbarê korîdorên mirovahî de got raste hinek alîkarî hatine lê mijara me ne xwerin û vexwerine, miletê me soz daye ku wê tînû û birçî û bê derman jî bimîne, soz daye ku berxwedaniyê bike heta ku çareseriyek tê danin.

Di bersiva pirsa PUKMEDIAyê de Nisrîn got: Yê ku niha di nav êrîşê de ne çeteyên Emşat û Hemzat û Sultan Murad û DAÎŞê , her weha eşîre jî hene, hemû bi çekên Tirkiyê hatine çekdar kirin. Du caran dronên Turkan li me xistin û hevalên me şehîd xistin, Îro li ser sînorê Sirujê bi dehan çekên zirxî dane bûn, agahî hene ku bi bejahî û esmanî Tirkiyê wê beşdarî vê êrîşê bibin, û wê demê bi hezaran mirov wê bibin qurbanî.

Di bersiva pirsa duyem de jî got: Li Kobanê êrîşên pir dijwar tên kirin komkujî têne kirin û hemû şekên giran yên Tirkiyê ne, her weha behsa qutkirina kerebe û avê kir, ku niha dunya zivistane kerebe tune ye ku milat xwe pê germ bike, her weha av jî li ser bajêr hatiye qutkirin, ku ew pêdiviyeke sereke ye ji bo jiyankirinê, ji ber wê li nexweşxaneyan pirsgirêk derketine, û bang kir ku çareseriyeke bilez ji van pirsgirêkan re were dîtin, ji ber ku bajar di bin dorpêçê de ye û xwarin jî kêm dibe, rewşa jiyanê gelkî zehmete.
Nisrînê di bersiveke xwe de amaje bi wê yekê kir ku eger HSD bi dawî bibe Sûriyê wê têk biçe, HSD tekane hêz bû ku parastina rastiya gelê Sûriyê dikir bû, mixabûneke ji bo Sûriyê ye û got qurbanî ne tenê Kurdibûn lê Elewî, Durzî û gelek kesên din bûn. Ev şerê li dijî me ne di cihê xwe de ye, ma em kîne, em ne Sûrî ne.

Got jî ji bo aramî û aştiyê, wan bi vîna xwe peymana 8 Adarê îmze kir, me niyeta xwe ya pak nîşan da ku em parçeyeke ji Sûriyê ne û emê sîstemeke demokratîk birêve bibin, armanca me tenê ewe ku her pêkhateyek bi mafên xwezayî jiyan bike ye. Niha birêz Mezlûm Ebdî niha li Hewlêrê di civînan de ye û diyar dike ku çiqas em rijdin li ser vebijarka hebûna zimanê diyelogê, û aştiyê, em ji şer hez nakin lê ya ku li ser me tê ferzkirin tenê şere.

 
PUKMEDIA