Mersuma komarî ya derbarê Kurdan mafên wan ên siyasî û neteweyî nahewîne

Ajans

nexşeya Sûriyê

Piştî zextên navneteweyî û krîzên ku Hikûmeta Demkî ya Sûriyeyê pê re rû bi rû maye, nemaze piştî bûyer û êrîşên ku wê li dijî taxên Kurdan ên li Helebê dest pê kirin, serokê Sûriyeyê mersumeke serokatiyê ya derbarê welatiyên Kurd ên li Sûriyeyê de derxist.

Mersum behsa mafên çandî û perwerdeyî yên Kurdan dike, lê behsa mafên wan ên siyasî û neteweyî nake, ku di nav mafên herî girîng de ne ku Kurdên li Sûriyeyê demek dirêj e ji bo wan têdikoşin. Hîn nayê zanîn ka Hikûmeta Demkî ya Sûriyeyê dê bendên vê fermanê bicîh bîne, an jî ew ê tenê wek buyeke li ser kaxezê bimîne.
 Nivîsa mersumê wiha ye:

Bendê 1: Welatiyên Kurd ên Sûriyê beşek yekgirtî û bingehîn a gelê Sûriyê ne, û nasnameya wan a çandî û zimanî beşek ji nasnameya neteweyî ya yekgirtî û cihêreng a Sûriyê ye.

Bendê 2: Dewlet pabende ku cihêrengiya çandî û zimanî biparêze û mafê welatiyên Kurd ên parastina mîrat û hunerên xwe û pêşxistina zimanê xwe yê dayikê di çarçoveya serweriya neteweyî de garantî dike.

Bendê 3: Zimanê Kurdî zimanekî neteweyî ye û dikare li dibistanên giştî û taybet ên li deverên ku Kurd rêjeyek girîng a nifûsê pêk tînin, wekî beşek ji bernameya bijartî an jî wekî çalakiyek çandî ya perwerdeyî were xwendin. 

Bendê (4): Hemû qanûn û tedbîrên îstîsnayî yên ku ji serjimêriya sala 1962an li Parêzgeha Hesekê derketine holê, were betalkirin. Hemwelatîbûna Sûriyeyê ji hemû welatiyên bi eslê xwe Kurd ên li Sûriyeyê dijîn, tevî yên ku jidayikbûna wan nehatiye tomarkirin, bi wekheviya tevahî di maf û erkên xwe de tê dayîn.

Bendê (5): Newroz (21ê Adarê) li seranserê Komara Erebî ya Sûriyeyê wekî cejneke giştî tê hesbandin.

Bendê (6): Saziyên dewletê û saziyên perwerdehiyê bi gotareke neteweyî ya berfireh pabend bin. Her cudakarî an jî dûrxistin li ser bingeha netewe , ol an ziman bi qanûnê qedexe ye, û her kesê ku nakokiyan teşwîq bike, dê li gorî qanûnê cezakirin.

Bendê (7): Wezaret û rayedarên têkildar dê rêziknameyên pêkanînê yên pêwîst ji bo sepandina bendên vê fermanê, her yek di nav desthilata xwe de, derxin.

Bendê (8): Ev mersum dê di Rojnameya Fermî de were weşandin û dê di roja derxistina wê de bikeve ware cîbicî kirinê. 

PUKMEDIA