Heyva Sor ya Kurd banga rawestandina êrîşên li ser Şêx Meqsûd û Eşrefiyê û vekirina korîdorên dike

AJANS

Heyva Sor ya Kurd

Heyva Sor ya Kurd li Bakur û Rojhilatê Sûriyê bangek mirovî ya lezgîn dike û bang li saziyên navneteweyî dike ku yekser mudaxele bikin daku êrîşên li ser taxên Şêx Meqsûd, Eşrefiyê û Benî Zeyd ên Helebê rawestînin, û korîdorên mirovî yên ewle vekin daku veguhestina birîndaran û gihandina alîkariyan hêsan bikin her weha rêxistinê karwanek ber bi bajêr ve şand.

Heyva Sor ya Kurd li herêma Bakur û Rojhilatê Sûriyê îro ji navenda xwe ya li bajarê Hesekê bangewaziyek mirovî ya lezgîn kir û hişyarî daku rewşa mirovî li Şêx Meqsûd, Eşrefiye û Benî Zeyd yên bajarê Helebê xirabtir bûye, ji ber êrîşên dijwar yên bi çekên giran ku çar roj li pey hev berdewam dikin û di encamê de 100 sivîl birîndar bûn û 11 kes jî şehîd bûn, ku piraniya wan jin, kal û pîr û zarok in.

Heyva Sor ya Kurd destnîşan kir ku hêzên êrîşkar heta niha rê li ber ti rêxistinên bijîşkî yan mirovî girtine ku derbasî sivîlên birîndar bibin, û di heman demê de bombebaranê berdewam kirine, ji ber ku tiştê rû didin binpêkirineke eşkere ya rêziknameyên mafên mirovan û yasaya mirovî ya navneteweyî ye.

Heyva Sor ya Kurd bang li hemû aliyên peywendîdar yên navneteweyî û herêmî kir ku berpirsiyariyên xwe yên exlaqî û mirovî bigirin ser xwe û ji bo rawestandina tavilê ya êrîşên li ser sivîlan û vekirina korîdorên mirovî yên ewle bixebitin, û amadebûna xwe ya tevahî ragihand ku gava korîdorek mirovî were ewlekirin, bikeve her du taxan daku birîndaran derxîne û alîkariya mirovî radest bike.

Piştî xwendina daxuyaniyê, karwana Heyva Sor ya Kurd ku ji 15 ambulansan pêk tên, ber bi Helebê ve çûn.

PUKMEDIA