Mezlûm Ebdî: Belavkirina Tankan û Bombebarankirina Sivîlan li Helebê derfetên lihevkirinê kêm dike

PUKMEDIA

Mazlûm Ebdî

Fermandarê Giştî yê Hêzên Sûriya Demokratîk piştrast kir ku bicihkirina tankan û armancgirtina sivîlan li Helebê derfetên danûstandinê kêm dike, rewş ji bo guhertinên demografîk ên metirsîdar diafirîne û her du taxan ji bo komkujiyan rû bi rû dihêle.

Di daxuyaniyekê de, fermandar Mezlûm Ebdî got: Berdewamkirina nêzîkatiya şer nayê qebûlkirin, û em bi hemî aliyan re dixebitin da ku van êrîşan rawestînin.

Ebdî diyar kir: Berdewamkirina nêzîkatiya şer û zimanê şer ji bo ferzkirina çareseriyên yekalî nayê qebûlkirin û berê bûye sedema komkujiyên ku digihîjin sûcên şer li peravên Sûriyeyê û Suweydayê.

Wî rave kir: Belavkirina tank û topan li taxên Helebê, bombebarankirin û koçberkirina sivîlên bêçek, û hewldanên êrîşkirina ser taxên Kurdan di dema pêvajoya danûstandinan de derfetên gihîştina têgihîştinekê kêm dike, rewşên ji bo guhertinên demografîk ên metirsîdar diafirîne, û sivîlên ku di her du taxan de asê mane dixe ber komkujiyê.
Ebdî piştrast kir ku Hêzên Sûriya Demokratîk bi rojan e bi hemû aliyan re dixebitin da ku van êrîşan rawestînin, û hevxemiya xwe bi niştecihên taxên Şêx Meqsûd û Eşrefiyê re anî ziman.

PUKMEDIA