Parlamenterên Îraqî dê di rûniştinên pêş de heft mijarên girîng gotûbêj bikin

Ragihandina encûmena nûneran

Encumena Nûneran

Encûmena Nûneran a Îraqê biryar e ku roja Şemiyê 10ê Çileya 2026an, rûniştina xwe ya sêyemîn lidarbixe.
Bi destpêkirina xula xwe ya şeşemîn re, eşkere bû ku Encûmena Nûneran rêbazek çalak pejirandiye, ku cidîbûna xwe di şopandina erka hikûmetê û parastina pereyêm giştî de nîşan dide, di heman demê de hewl dide ku aramiya saziyên dewletê misoger bike.

Di vê çarçoveyê de, Encûmenê bernameyek berfireh a civînan bi heft saziyên sereke re pejirand, di nav de Dîwana çavdêriya darayî,Desteya Paqijiyê, Encûmena xizmetkirina Federal, Encûmenên parêzgehan, Banka Navendî, Saziya Şehîdan û Desteya Xanenîşê. Ev civîn dê li ser nirxandina erk, şopandina pabendbûna bi qanûnan, destnîşankirina kêmasiyan û misogerkirina pêşkêşkirina karûbaran a bi bandor û zelal ji welatiyan re bisekinin.

Parlamenter Ramyar Hayder, ji fireksiyona Yekîtiya Nîtimanî ya Kurdistanê ji PUKMEDIA re got ku Encûmena Nûneran dê di rûniştina xwe ya Şemiya bê de li ser dahatên ne-petrolê û rêbazên rêkxistina wan û pêşîgirtina li her livala çûna peyerên giştî gotûbêj bikin.
Got jî: Encûmen dê li ser çawaniya bikaranîna van dahatên ne-petrolê, rêbazên herî zêde bikaranîna wan, û çawaniya belavkirina wan bi awayekî dadperwerane, û her weha hewldanek girîng ji bo baştirkirina rewşa îdarî û darayî ya Îraqê gotûbêj bike.

Wî destnîşan kir ku Encûmena Nûneran dê di rûniştinên xwe yên pêş de mazûvaniya çend saziyên darayî û çavdêriyê bike da ku ji bo baştirkirina rewşa darayî ya Iraqê û derbaskirina her krîzek darayî ya potansiyel a pêşerojê bixebitin.

PUKMEDIA