Dr. Biryar Reşîd: Gera sêyemîn a hilbijartina cîgirê duyemîn ê serokê parlementoyê dest pê kir

PUKMEDIA

Encumena Nûneran

Derî ji bo posta cîgirê duyemîn ê serokê parlementoya Îraqê hatiye vekirin û Şaxawan Abdulah ji namzediya xwe vekşiya. Niha Rêbwar Kerîm û Ferhad Atroşî ji bo vê postê namzed in. 

Dr.Biryar Reşîd endamê parlementoya Îraqê, ji malpera fermî ya Yekîtiya Niştimanî ya Kurdistanê (PUKMEDIA) re got: Kêmek pêş niha bi giştiya dengên endamên encûmenê biryar hate dayîn ku careke din deriya xwenamzedkirin bi postê cîgirê duyem yê serokê encûmena nûneran were vekirin, Şaxawan Abdulah ji namzetiya xwe vekişandiye û li şûna wî Ferhad Emîn Selîm, ku bi navê Ferhad Atroşî jî tê nasîn, hatiye hilbijartin. Ji niha ve Dr.Rêbwar Kerîm û Ferhad Atroşî namzetên vê postê ne.

Wî zêde kir ku ji bo diyarkirina postê dengdana veşartî dest pê kiriye, di heman demê de rêziknameyên prosedurê ji bo guhertina namzedên ji bo wê postê hatine sererastkirin.

Ji aliyê xwe ve, Herêm Kemal Axa, endamê fireksiyona Yekîtiya Niştimanî ya Kurdistanê got: Wekî fireksiyona YNK, em ê dengê xwe bidin namzedê Partiya Demokrat a Kurdistanê

Parlamentoya Îraqê duh roja Duşemê bi serokatiya endamê herî pîr, parlamenter Amêr el-Fayiz, bi amadebûna 309 parlamenteran, rûniştina xwe ya yekem a xula şeşemîn a hilbijartinê birêve bir. Heybat el-Helbûsî wekî Serokê Meclîsê û Adnan Fayhan wekî Cîgirê Yekem ê Serokê Meclîsê hatin hilbijartin.

Di du gerên dengdanê de ji bo posta Cîgirê Duyemîn ê Serokê Meclîsê, ne namzed Rêbwar Kerîm û ne jî Şaxwan Abdulah piraniya dengan bidest bixin. Ji ber vê yekê, Serokê wekalet rûniştin ji bo îro paşxist.  


PUKMEDIA