Li Efrînê terma zarokekî 5 salî hat dîtin

PUKMEDIA

Efrîn

Rêxistina Mafên Mirovan a Efrîn-Sûriyeyê ragihand ku li taxa Eşrefiyê ya Efrînê zarokê bi navê Ehmed Elî El Hîlal (5) ji şeva şemiyê ve, diyar nema bû û winda bibû, lê mixabin duh sibehê malbatê zarokê xwe kuştî dîtin.

Wek ku diyar bû zarok bi tiştekê di qirikê de hatibû xenqandin û birîn, Lê heta niha tu agahiyên derbarê hûrgiliyên sûcê yan jî nasnameya sûcdaran de nehatine zelalkirin.
Ev sûc di demekê de tê ku binpêkirin û rewşa ewlehiyê ya nebaş li Efrîna dagirkirî berdewam û zêde dibin, ji ber nebûna ti tedbîrên rastîn ji bo parastina sivîlan û cezakirina sûcdaran, ku bûye sedema zêdebûna tirs û fikaran li cem gel.

PUKMEDIA