Namzedên parlemenê yên derketine dê sond bixwin

PUKMEDIA

Avahiya Civata Nûneran ya Îraqê

Namzetên parlemena Îraqê yên derketine di vê hefteyê dê sond bixwin û dê hewl bidin ku serokatiya civatê hilbijêrin, lê eger di civîna yekem de ne karîn serokatiya civatê hilbijêrin, divê ew di nav 15 rojan de serok û du cîgirên xwe hilbijêrin,kucîgirê duyem ji bo Kurd dibe,namzedek ji fraksiyona YNKê dibêje: Alî hîna li ser namzedên xwe yên ji bo posta serokê civatê li hev nekirine.

Cîgirê duyemîn yê serokê parlemenê ji bo Kurd e

Serokkomarê Îraqê roja 16ê Kanûnê civîna yekem ya Şeşemîn ya Civata Nûneran destnîşan kir,bi vê yekê jî hemû aliyên sîyasî neçar bike ku berî dema diyarkirî ya destûrî lez bikin daku hikûmetekê pêk bînin û hilbijartinên serokatiyan li dar bixin,Herêm Kemal Axa namzedê derketî yê Fraksyona Yekîtiya Nîştimanî ya Kurdistanê li Civata Nûneran ya Îraqê taybet ji PUKMEDIA re ragihand ku, li gorî destûrê, serokkomarê Îraqê namzedên civîna nû ya parlamena Îraqê vexwendiye ku roja 29ê Kanûna 2025an, bi serokatiya namzedê bi tementirîn kes civîna xwe ya yekem li dar bixin.

Her weha aşkere kir ku li gorî rêkeftina siyasî, serokê parlamenê dê ji bo Sunniyan, cîgirê yekem dê ji bo Şîeyan û cîgirê duyem ê serokê parlamentoyê jî dê ji bo Kurdan be, her wiha, eger di rûniştina yekem de serok û cîgirên serokên parlemenê neyên hilbijartin, dê 15 roj dem ji parlemenê re were dayîn ku serokatiya xwe hilbijêre.

Alî ji ber dema diyarkirî ya destûrî di bin fişarê de ne

Divê Parlamena Îraqê di nav 30 rojan de ji roja yekem ya rûniştina xwe serokkomarekî nû hilbijêre, dema diyarkirî ya destûrî ji bo hilbijartina serokkomar û pêkanîna hikûmetê dest pê dike, piştre jî li gorî madeya 76an ya destûrê, serokkomarê nû dê di nav 15 rojan de mezintirîn fraksiyona parlemanî ji bo pêkanîna kabîneya nû destnîşan bike, her weha Serokwezîrê destnîşankirî divê di nav 30 rojan de navên wezîran û bernameya hikûmeta nû pêşkêşî Civata Nûneran bike daku baweriya parlemenê werbigire.

Sunnî zerermendên yekem yên dema destûrî ne

Ev yek di demekê de ye ku,Erebên Sunnî zerermendên yekem yên dema dawî ya destûrî ne, ji ber ku qonaxa yekem ya pêkanîna hikûmetê bi hilbijartina serokê Civata Nûneran dest pê dike, ev tê wê wateyê ku divê Sunnî berî her aliyekî din biryar bidin ka li gorî kevneşopiya siyasî dê posta ku bikeve destê civakê, lê li gorî raportek rojnameya Şerq El-Ewset, Sunnî hîna li ser namzedekî li hev nekirine.

Nakokiya siyasî ya Sunnî bi giranî di navbera Partiya Teqedum ya bi serokatiya Mihemed Helbûsî û hevpeymaniya Ezim ya bi serokatiya Musene Samarayî de ye, Helbûsî rijde ku ev post ya partiya wî dibe, wekî mezintirîn fraksiyona civaka Sunnî, bi vê yekê Sunnî niha di bin fişara dem û siyasî de ne, ji ber ku eger ew nikaribin bi xwe biryarê li ser postê bidin, serokkomar dê bi dengdana veşartî li parlamenê were hilbijartin.

Şîe di dabeşbûnek kûr de ne

Şîe her çende pirsgirêkên wan yê demê nînin, ji ber ku hilbijartina serokwezîr qonaxa dawî ya avakirina pêkanîna hikûmetê ye, lê, ew di dabeşbûnek mezin de ne, ku xwe di çarçoveya hevrêziyê de dibînin, Serokwezîrê Îraqê Mihemed Şeyah Sûdanî, û Serokê Hevpeymaniya Dewleta Yasa Nûrî Malikî û serokwezîrê berê Heyder Ebadî li ser hikûmeta welêt li hev nekirine, her weha ev nakokî her wiha hevpeymaniyeke nû ya Hadî Amirî û Şibl Zeydî, ku 30 endamên parlemanê hene, anî nav danûstandinan, bi vê yekê nakokiyên wan kûrtir kir û hevkêşeya ku wan ji bo belavkirina postan destnîşan kiriye tevlihev kir.

Posta Serokkomar hîna ne hatiye yekalî kirin

Her çend egirêdayî Kurd jî ku post ji bo Kurd e, hîna çi pêşveçûn bo diyarkirina wê postê çênebûye, ji ber ku ew hevdem e digel danûstandinên ji bo pêkanîna kabîneya dehemîn ya Hikûmeta Herêma Kurdistanê, Herwiha YNKê tekez dike ku ev post di nav Kurd de ji bo YNKê ye, her wiha eger heye ku ew di pakêtek de bi Partiya Demokrat a Kurdistanê (PDK) re li ser pêkanîna hikûmeta nû û dabeşkirina postên li Hewler û Bexdayê biryar bidin.

PUKMEDIA