Qubad Talebanî: Pîrozbahî li Zaxo Dalal û hemû Kurdistanê dikim

PUKMEDIA

Qubad Talebanî

Qubad Talebanî ji bo wergirtina xelata herî baş ya alîgirên cîhanê pîrozbahî li Yaneya Zaxo kir û got: Şîrînî û kêfxweşiya wergirtina vê xelatê ew e ku ew berhema hevgirtin û piştgiriya hemû gelê Kurdistanê bû.

Qubad Talebanî Cîgirê Serokwezîrê Hikûmeta Herêma Kurdistanê ragihand ku wergirtina xelata baştirîn alîgir li cîhanê ji bo Yaneya Zaxo û werzîşa Kurdistanê û ji bo hemû gelê Kurdistanê şerefek mezin e ez bi germî Yaneya Zaxo, alîgir, akinciyên Zaxo û tevahiya Kurdistanê pîroz dikim.

Her weha got:Şîrînî û kêfxweşiya wergirtina vê xelatê ew e ku ew berhema hevsozî û piştgiriya hemû gelê Kurdistanê bû, gelê Kurd, ku tevî hemû zilm û êşên ku kişandiye, hîna jî zindî ye û ber bi pêş ve diçe, berhema hevgirtina gel e.

Ew jî got: Her kesî bi yek dil û yek dengî piştgirî da Zaxoyê û îro jî beşdarî pîrozbahiyên xelkê Zaxoyê dibin wekî hefteya borî, her kes ji xelkê Çemçemal û Germiyanê re sempatî û piştgirî nîşan da û em hêvî dikin ku ev hesta pîroz ya hevgirtinê, çarenûsa hevpar û yekdengiya di navbera gelê Kurd de were veguhastin bo nav siyasetê ji ber ku ev riya rast e ji bo gelê me ku ber bi destkeftiyên mezintir ve biçe.

PUKMEDIA