Îro YNK û PDKê li Hewlêrê dicivin

PUKMEDIA

Logoya Yekîtiya Nîştimaniya Kurdistanê û Partiya Demokrata Kurdistanê

Îro Sêşem rêkefta (16-12-2025) an civîna Yekîtiya Niştimanî ya Kurdistanê (YNK) û Partiya Demokrat ya Kurdistanê (PDK )  li Hewlêrê bi rêve diçe ku ew civîn berdewamiya civînên berê yên di navbera her du aliyan de ye ji bo pêkanîna hikûmeteke nû.

Seidî Ehmed Pîre, endamê Mekteba Siyasî ya Yekîtiya Niştimanî ya Kurdistanê (YNK), çend roj berê gotibû: YNK û PDK dê di nîvê vê hefteyê de bicivin daku hikûmetek nû li Herêma Kurdistanê pêk bikin, ku ev yek dê berdewamiya civînên berê yên di navbera her du aliyan de be.

Ev yek jî di demekê de ye ku,roja 23ê Mijdara 2025an de, Cîgirê Serokwezîr Qubad Talebanî di kongreyek e rojnamevaniyê de amadebûna Yekîtiya Niştîmanî ya Kurdistanê ji bo ji nû ve destpêkirina danûstandinên ji bo avakirina Hikûmeta Herêma Kurdistanê ragihand û got: Em wek YNKê heta dema germahiya kempîna hilbijartinê bi birayên PDKê re di danûstandinan de bûn û niha em amade ne ku ji nû ve dest bi pêkanînan kabîneya nû bikin,

Derbarê pêkanîna hikûmeta nû ya Îraqê jî; Qubad Talebanî got:Pêwîstiya me bi diyalogê heye û divê hemû alî beşdarî pêkanîna hikûmeta nû ya Îraqê bibin daku em bikaribin xizmetkarekî baş yê xelkê bi giştî bin."

Ev yek jî di demekê de ye ku,piştî Hilbijartina Gera Şeşem ya Civata Nûneran ya Îraqê, Partiya Demokrat ya Kurdistanê (PDK) û Yekîtiya Niştimanî ya Kurdistanê (YNK) roja 1ê Kanûna Pêşîn ya 2025an li Hewlêrê yekem civîna xwe saz kirin,derbarê pêkanînan hikûmeteke nû bû.

PUKMEDIA