Amarên dawî yên ziyana pêla baranbarîn û lehiyan

Rêveberiya Çand û Hunerê ya Çemçemalê

Lehiya li navçeya Çemçemalê

Navenda hevbeş ya Hemahengiya Qeyranan amara herî dawî yên li ser ziyanên baran û lehiyên hefteya borî weşand û li gorî amarê pênc kesan cane xwer ji dest dane û zêdetirî 2 hezar xanî jî ziyan dîtin.

Li gorî amarê ,ji ber lehiya hefteya borî  pênc kesan canê xwe ji dest dane, ku du li Çemçemal, du li Kerkûk û yek jî li Germiyanê, 19 kes birîndar bûne û yek jî winda ye.

Derbarê ziyanên madî jî Navenda hevbeş ya Hemahengiya Qeyranan aşkere kir ku,, li Herêma Kurdistanê û Kerkûkê 2 hezar û 376 xanî ziyan dîtine ku li Çemçemalê 600 xanî û 600 xanî  li şoereş bê ser û ber bûne, li Tekyê 400 xanî, li Kerkûkê 435 xanî, li Germiyanê 167 xanî, li Hewlêrê 20 xanî, li Helebçe şeş xanî, li Soranê çar xanî û li Raperînê pênc xanî ziyan dîtin.

Di heman demê de, 546 otombîl ziyan dîtine ku piranî li Çemçemalê,132 dikan û bazar, 118 baxçe û zeviyên çandiniyê jî ziyan dîtine,bi heman awayî, 580 projeyan ziyan dîtine,ku piraniya wan li parêzgeha Silêmaniyê, bi taybetî Çemçemalê û 20 projeyan li Hewlêrê.

Derbarê ziyanên gihîştiye samanê lawrian jî , Navenda hevbeş ya Hemahengiya Qeyranan aşkere kiriye ku, zêdetirî 379 hezar masî, 13 hezar û 256 Mirîşk û Qel, heşt Ga, 144 pez û Bizin, û hejmarek Mêşên hingiv, 67 qaz û 76 qaz ji nav çûne.

PUKMEDIA