Qubad Talebanî: Silêmanî paytexta rewşenbîrî û karsaziyê ye

PUKMEDIA

Qubad Talebanî, Cîgirê Serokwezîrê Herêma Kurdistanê

Îro,Sêşem rêkefta (09-12-2025) an foruma Weberhênanê li Silêmaniyê birêve diçe û Qubad Talebanî Cîgirê Serokwezîrê Herêma Kurdistana Îraqê ragihand ku Silêmanî bûye paytexta Rewşenbîrî û Karsaziyê li Îraqê û aşkere jî kir ku em pêngavan ji bo aboriyek e bi hêz diavêjin.

Qubad Talebanî di gotarekê de ku li kêleka forumê pêşkêş kir ku PUKMEDIA  rumala wê dike têde got: Em îro bi xêr hatina we dikin bo vê foruma girîng ku rêjeya weberhênanê li Parêzgeha Silêmaniyê ronî dike.

Silêmanî ber bi aboriyek e baş pêngavan diavêje

Wî her wiha got: Parêzgeha Silêmaniyê şahidê pêkanîna gelek projeyên weberhênanê bûye, û em spasiya hemû weberhêner û karsazan dikin ku di salên borî de astengî û pirsgirêkan derbas kirin û projeyên xwe pêk anîn.

Qubad Talebanî diyar kir ku Silêmanî paytexta rewşenbîrî ya Herêma Kurdistanê ye û niha ber bi aboriyek bihêz û çalak ve diçe, Silêmanî bi alîkariya kerta taybet pêşketinên girîng dîtiye, û hin ji zanîngeh, peymangeh û navendên lêkolînê yên herî bihêz li cem me hene û ev navend niha navendên lêkolîn, lêkolîna pirsgirêkan û destnîşankirina çareseriyan in şû me hêzek mezin ya kar, kesên gelek jêhatî û xwedî ezmûn, û weberhêner û karsazên wêrek hene.

Qubad Talebanî wiha domand: Li Herêma Kurdistanê kerta ewlehiyê ya herî bihêz û kerta tenduristiyê ya çalak û bihêz heye, jinên Silêmaniyê jî beşek girîng ya pêşkeftin û geşedana ku bajarê Silêmaniyê dibîne ne, û emê ji bo pêşxistina şiyanên jinan û peydakirina derfetan ji bo beşdarbûna wan di pêşxistina Silêmaniyê de kar bikin.

Aborî cihêreng e û rûtîn kêm dibin

Cîgirê Serokwezîr diyar kir: Nêrîna hikûmetê zelal e û em ji bo pêşxistina aboriyek bihêz li ser bingeha teknolojiya nûjen û ji bo dabînkirina derfetên hêja û girîng ji bo kerta taybet û karsazan kar dikin her weha em ji bo baştirkirina karên hikûmetê, kêmkirina rutînê û berdewamiya zêdekirina şefafiyetê di çalakiyên hikûmetê de li seranserê Herêma Kurdistanê kar dikin.

Ev bi hevkariya IFC-ê kart ê kirin

Qubad Talebanî got: Em ji bilî pêşxistina kerta pîşesaziyê, li ser pêşxistina kertên çandinî û geştiyariyê û yekkirina wan bi hevre kar dikin, Silêmanî ne tenê paytexta rewşenbîrî ye, lê di heman demê de paytexta afirînerî û pêşkeftinê ye jî, îro, li Silêmaniyê ji bo komaniyên nû yên ku xwe dispêrin teknolojiya nûjen, keşûhewayek baş heye. Ji bo ku em aboriyek çalak û bihêz ji bo Silêmaniyê fînanse bikin, pêdivî bi piştgirî û alîkariya kerta taybet heye ji bo pêşxistina binesaziyê û qad û kertên din, pêdivî bi piştgiriya kerta taybet heye.

Her weha got:Em di hikûmetê de pabend in ku piştgiriyê bidin kerta taybet daku weberhênanê li Parêzgeha Silêmaniyê bi giştî pêş bixin û em hemû ji bo xizmeta gelê Kurdistanê kar dikin, û bi hevkariya hev em dikarin erkên xwe bi awayê baştir cî bi cî bikin.

PUKMEDIA