Mûçeyên heyva Îlonê ji bo Herêma Kurdistanê hat şandin

PUKMEDIA

Dînarê Îraqî

Wezareta Darayî û Aboriyê ya Hikûmeta Herêma Kurdistanê ragihand ku pereyên ji bo mûçeyên heva Îlonê li hesabê bankê yê Wezareta Darayî hatine razandin.

Îro Şemî rêkefta (29-11-2025) Wezareta Darayî û Aborî ya Hikûmeta Herêma Kurdistanê di daxuyaniyekê de ragihand: Birê (941,874,000,000) nehsed û çil û yek milyar û heştsed û heftê û çar milyon dînar wekî fînansmana mûçeyên heyva Îlonê yên mûçexwerên Herêma Kurdistanê li hesabê bankê yê Wezareta Darayî û Aborî ya Herêma Kurdistanê li liqê Hewlêrê ya banka navendî ya Îraqê hat razandin.

Ev yek di demekê de ye ku roja 19ê Mijdara sala  2025an de, para xezîneya federal ji dahata ne petrolê ya Îlona sala 2025an, ku sed û bîst milyar dînar e (120,000,000,000), li Hesabê Bankayê ya pereyan a Wezareta Darayî ya Hikûmeta Federal li liqê Hewlêrê ya Banka Navendî ya Îraqê hate zêdekirin.

PUKMEDIA