Komîsyon: Hejmara giliyên li dijî encamên hilbijartinê gihîştiye 130

PUKMEDIA

Cumene El-Gelay, berdevka Komîsyona Bilin a Serbixwe yê Hilbijartinan

Komîsyona Bilind a Serbixwe ya Hilbijartinan îro Pêncşemê ragihand ku hejmara giliyên li dijî encamên hilbijartinên parlemanî gihîştiye 130an.

Berdevka komîsyonê Cumane Gelayî ji PUKMEDIAyê re got ku hejmara giliyên ku ji roja yekem a pêvajoya giliyan, 18ê Mijdara 2025an vir ve hatine wergirtin gihîştiye 130an.

Hêjayî gotinê ye ku Komîsyonê encamên dawî yên hilbijartinên parlemanî yên hem ji bo dengdana giştî û hem jî ji bo dengdana taybet roja Duşemê ya borî, 17ê Mijdara 2025an, ragihand û pêvajoya giliyan vekir, ku dê sê rojan berdewam bike.

Li gorî encamên fermî, Yekîtiya Niştimanî ya Kurdistanê 18 kursiyên parlemanî bi dest xist, ku ew dike partiya ku li gorî partiyên din ên Kurd zêdebûna kursiyan herî zêde kiriye. Li gorî encamên destpêkê, YNK li pênc parêzgehan kursiyên parlemanî bi dest xistiye:

* Hewlêr: 97,411 deng
* Silêmanî: 241,143 deng
* Kerkûk: 178,845 deng
* Nînewa: 56,420 deng
* Bexdad: 4,708 deng

PUKMEDIA/ Taybet