92 sal li ser jidayîkbûna Serok Mam Celal derbas dibin

PUKMEDIA

Serok Mam Celal

Îro, 12ê Mijdara 2025an, 92 sal di ser jidayikbûna Serok Mam Celal, Sekreterê Giştî yê Yekîtiya Niştimanî ya Kurdistanê (YNK) û Serok Komarê Îraqê û kesayetiya navdar ya Herêma Kurdistan û Îraq û Cîhanê re derbas dibe.

Kurteya jiyannameya Serok Mam Celal

-Navê wî yê tevahî Celal Husamedîn Nurulah Nûrî ye.

- Roja 12ê Mijdara 1933an de li gundê Kelkan li quntara çiyayê Kusret ser bi bajarê Koyê ji dayîk bûye.

-Di sala 1946an de, wî bi çend hevalên xwe re komeleyeke perwerdehiyê ya veşartî bi navê Komeleya Pêşvebirina Xwendinê damezrand.

- Di sala 1947an de ew bû endamê Partiya Demokrat ya Kurd.

- Di sala 1948an de, di hilbijartina giştî ya xwendekaran de ew wekî nûnerê xwendekaran yê Koyê hate hilbijartin.

- Di sala 1949an de, Talebanî di hilbijartinê de bi ser ket û bû endamê Komîteya Herêma Koyê.

- Di Sibata 1951an de,di kongreya duyemîn de ew wekî endamê komîteya navendî ya Partiya Demokrat a Kurd (KDP) hate hilbijartin.

-Di sala 1952an de ew ket Koleja Hiqûqê li Bexdayê.

-Di sala 1954an de, ew wekî endamê Mekteba Siyasî hat hilbijartin.

-Di sala 1955an de, ew çû derveyî Îraqê û beşdarî Festîvala Ciwan û Xwendekarên Cîhanê li Varşovayê bû.

-Di sala 1956an de, ji ber karê siyasî, ew neçar ma ku dev ji pola çaremîn ya hiqûqê berde.

- Di roja yekem ya serkeftina Şoreşa 14ê Tîrmeha 1958an, wî li Silêmaniyê xwepêşandanek girseyî li dar xist.

-Di sala 1959an de, ew ji nû ve wekî endamê Komîteya Navendî û Mekteba Siyasî ya Partiya Demokrat a Kurdistanê (KDP) hate hilbijartin û di heman demê de ew efserê yedek yê ketîbeya çarem ya Tankan bû.

- Di sala 1960an de, ew berpirsê liqê Silêmaniyê û endamê Mekteba Siyasî bû.

-Di sala 1961an de, ew bû sernivîserê rojnameya Kurdistanê.

- Di Îlona 1961an de, dema ku Şoreşa Kurdistanê dest pê kir, ew berpirsê herêma Silêmaniyê bû.

-Di sala 1967an de, ew beşdarî Konferansa Beşdariya Sosyalîstên Erebî li Cezayîrê bû.

- Di sala 1970an de, di yekbûna her du baskên Partiya Demokrat a Kurdistanê (KDP) de roleke bi bandor list ku pêştir bibûn du beş ku nakokiyên tund û xwînavî di navbera wan de hebûn.

- Di 1ê Hezîrana 1975an de, wî bi komek hevalên xwe re li Şamê Yekîtiya Nîştimanî ya Kurdistanê (YNK) damezrand û bû sekreterê giştî yê YNKê.

- Piştî rizgarkirina Îraqê, ew wekî endamê civata rêveber hate hilbijartin û di Mijdara 2003an de bû serokê wê.

- Di 6ê Nîsana 2005an de, ew bû yekem serokê hilbijartî yê Îraqê.

- Di Tîrmeha 2008an de, ew di Kongreya 23yemîn ya Rêxistina Enternasyonala Sosyalîst de wekî Cîgirê Serokê wê hate hilbijartin.

-Di sala 2010an de, ji aliyê Civata Nûneran ya Îraqê ve ji bo cara duyemîn ji bo serok komariya Îraqê hate hilbijartin.

- Di 3ê Cotmeha 2017an de li Almanya koça dawî kir.

PUKMEDIA