Serokkomar: Beşdarbûna berfireh di hilbijartinan de tekane rêya serrastkirina şaştiyane

PUKMEDIA

serokkomarê Îraqê

Serok Dr. Ebduletîf Cemal Reşîd îro Duşem 10/11/2025an, bi boneya hilbijartinên xola şeşemîn ên parlemanî axaftinek arastey milet kir.

Di axaftina xwe de, Serok got: Îro em li ber deriyê qonaxek nû û girîng di rêwîtiya me ya ber bi avakirina aştî, aramî û pêşketinê li welatê xwe de ne. Bi rêya van hilbijartinên parlemanî em pabendbûna xwe ya bi jiyana siyasî ya destûrî û demokratîk û veguhestina aştiyane ya desthilatdariyê re ji nû ve piştrast dikin.

Serok amaje bi wê jî kir ku beşdarbûna berfireh û çalak di hilbijartinan de tenê rêya me ye ji bo rastkirina şaştiyan, çareserkirina kêmasiyan, pêşxistina pergala me ya siyasî û pêşîgirtina li dîktatorî û yekdestdarkirina desthilatdariyê. Wî tekez kir ku beşdariya bilind a dengdêran, rêzgirtina ji encamên hilbijartinê re û pabendbûna bi pêvajoya destûrî ya demokrasiyê re delîlên herî xurt ên xwesteka gelê me ya parastina jiyana hevbeş, aştî û azadiyê ne. Wî piştrast kir ku Serokatiyê ji bo piştgiriya hemî aliyên ku di pêvajoya hilbijartinê de beşdar in xebitiye û ji bo misogerkirina keşûhewayeke pêşbaziyê ya dadperwer û zelal pabend bûye.

PUKMEDIA