Hevserokê DEM partî: Bê guman Ocalan dê bê berdan

Kurdistana Nwê

Ferîd Dilşad bi Tunjer Bekrhan re

Tuncer Bakrhan hevserokê Dem Partî di hevpeyvînekê de li ser çareseriya pirsgirêka Kurd li Tirkiyeyê axivî, her wiha halwêsta berpirsên paye bilind û komelgeha Turkiyê bi giştî derbarê proseya çareseriyê zelal dike, serkeftina pêvajoyê û guhertinên destûrî, û rola girîng a YNK ji bo serkeftina pêvajoyê eşkere kir. Bi taybetî hewldanên Rewanşad, Serok Mam Celal û Bafil Celal Talêbanî Serokê Yekîtiya Niştîmanî ya Kurdistanê.

Nivîsa hevpeyvînê:

Pêvajoya çareserkirina pirsgirêka Kurd li Tirkiyeyê gihîştiye ku derê?

- Pêvajoya aştî û civaka demokratîk, ku di 1/10/2024an de dest pê kir, pêşveçûnek girîng bi dest xistiye. Ez dikarim bibêjim ku me ezmûnên girîng derbas kirine û niha nêzîkî aştî û çareseriyê ne. Ev komisyona li encûmena mezin ya niştîmanî a Turkiyê hatiye damezrandin beşek ji karên xwe qedandiye, raportê dinivîse û û pêşniyarên yasa dixe rû. Em pêşbînî dikin ku di meha Novembirê de pêşhateke berbiçav li Turkiyê rû bide, ji ber ku hêviya sereke ya hemû civakê çeksaziya yasayî û rêxistinî ye, divê dewlet gavên berbiçav bavêje. Partiya Karkerên Kurdistanê (PKK) gavên dîrokî avêtiye da ku proseyê bilezîne û li dijî gefên jinişkava tedbîran bigire, ji ber vê yekê divê dewlet niha berpirsiyariyê bigire ser xwe. Wekî ku tê gotin, "destê xwe bixe bin kevir" ku tê vê wateyê ku divê her kes berpirsiyariyê bigire ser xwe.


*Helwêsta hikûmeta Tirkiyeyê, bi taybet Receb Tayb Erdogan, li ser proseya çareseriyê çi ye?

- Şanda Îmralî di vê dawiyê de li gel Receb Typ Erdogan serok komarê Tirkiyeyê re civiya, careke din wan li ser pêvajoya aştiyê û civakeke demokratîk nêrînên xwe gotûbêj kirin. Ez dikarim bibêjim ku civîn pir berhemdar bû.
Erdogan di Mijdarê de got ku ji bo ku pêvajo bi ser bikeve, di rewşek erênî û piştgir de ye, daxuyanî di 1 tişrîna duyem de dema ku got: Dema çareseriyê ye, divê her tiştê ku divê were kirin bê kirin, niha dema avêtina gavên wêreke, divê ev pirsgirêk bi bê du dilî û bi wêrekî were çareserkirin,

Ji ber vê yekê, dîtina vê vînê li ba Erdogan dilxweşker û hêvîdar ji mera dibexşîne.

Pêşbînî heye ku Abdulah Ocelan ji zîndanê were berdan?

- Pêşîniya Abdulah Ocelan çareseriyeke demokratîk ji bo pirsgirêka Kurd li Tirkiyeyê ye. Ew 50 sal in ji bo vê armancê dixebite, nexşeya çareseriya pirsgirêka Kurd li Tirkiyeyê divê bibe sedema azadiya i xwe. Ger çareserî serkeftî be, bê guman Ocelan dê were berdan, ji ber ku ne rast e ku kesayetiyek dîrokî ya wisa di zîndanê de bimîne.Her weha destragîştina wî bi mercên xebata azad û şiyana wî ya beşdarbûna jiyana azad di çarçoveya têkiliyên dîrokî yên Kurd-Tirk de jî girîng e.

 
Hûn çiqas geşbîn in ku aştî di vê pêvajoyê de bi ser bikeve?

Tenê şansê serkeftina aştiyê di pêvajoya civakîbûnê de ye. Aştî tê wateya jiyana hevbeş di aheng û yekîtîyê de.ji bow ê mebestê bacên çetin hatine dayîn, îri zimaneke nûh, siyaseteke nûh gereke, Dîrok derfetekê dide me, Deriyek fireh vedike, û divê em bi hev re jê derbas bibin.

 Hûn dikarin behsa rola Serok Mam Celal di pêvajoya aştiyê de bikin?

- Berî her tiştî, bila giyana Mam Celal bi aramî razê. Ez careke din wî bi rêzdarî bi bîr tînim. Wî di dema xwe de gelek beşdarî pêvajoya aştiyê bû. Birêz Mam Celal bi rastî dixwest pirsgirêka Kurd çareser bike, û ji bo vê yekê wî hewla dîplomasiyê dabû, ku di dîrokê de tê behs kirin, pêşketinên îro û pêvajoya ku em tê de dijîn encamên hewlên wan rojan e ku Mam Celal li ser dixebitî ye, ji ber vê yekê beşdariya Mam Celal di pêvajoya aştiyê de her gav pir mezin bû.


 Hûn hatin Silêmaniyê û çek li vir hatin şewitandin. Rola YNK û Serok Bafil çiqas girîng e?

- Ez ji bo piştgiriya ku YNK û rêberên wê dane vê pêvajoyê spasdar im.
Piştgiriya demokrasî û aştiyê siyaseta herî bilind e. Di serdana me ya Silêmaniyê de, min behsa rola girîng a YNK û Bafil Talebanî kir. Bawerî û piştgiriya wan di vê pêvajoyê de cesaret û hêzê dide me, her wiha hêviya yekîtiya neteweya Kurd dide me. Ji ber vê yekê, ez bi rêya rojnameya Kurdistanî Nwê silavên xwe ji Birêz Bafil Talebanî û Birêz Qubad Talebanî re dişînim.
 
PUKMEDIA /Kurdistana Niwê