Dengên YNK du qat ji hemû partiyên din zêdetir bûne

Kurdistan 11:53 AM - 2025-11-10

logoya YNK

Duh 9/11/2025 dengdana taybet ji bo şeşemîn xola parlementoya Îraqê li Îraq û Herêma Kurdistanê dest pê kir, û rêjeya dengdanê di asteke bilind de bû. Li gorî encamên nefermî, Yekîtiya Niştimanî ya Kurdistanê di dengdana taybet de li parêzgehên Silêmanî, Kerkûk, Helebçe, Germiyan, Raperîn û Koyê bi ser ketiye û yekem e, û li Hewlêr û Nînewa bi rêjeyeke pir deng zêde kiriye, bi awayek li gor encamên destpêkê heta niha zêdetirî 83,000 deng bi dest xistiye, ku li gor hilbijartinên berê 100% deng zêde kiriye. Li gorî PUKMEDIA, dengên YNKê di dengdana taybet de li gorî hemû partiyên Kurdî du qat zêde bûne.

YNK li piraniya parêzgehan di rêza yekem de ye

Derbarê birêveçûna piroseyê Hesen Selman, şêwirmendê yasayî yê Komîsyona Bilind a Serbixwe ya Hilbijartinên Îraqê got: Rêjeya beşdarbûnê di dengdana taybet de bilind bûye ku ti carî tiştê we tomar nekiriye, Li gorî encamên destpêkê, Yekîtiya Niştimanî ya Kurdistanê di hilbijartinên taybet ên li parêzgehên Silêmanî, Kerkûk, Helebçe û Germiyanê de bi ser ketiye, di heman demê de parêzgehên Hewlêr û Nînewa jî herî zêde deng bi dest xistine.

Derbarê hebûna pirsgirêka ne xwendina pencemorê dengderan de, Cumene Gelayî berdevka komîsyonê got: Pirsgirêka nexwendina tilî more dengdêran çareser bûye, di dema nexwendina tiliyê de kamîreyek heye ku rûyê dengder digre û berewirdî wêneye karta beyometrîk ê dengder tê kirinû eger li yek hatin ew deng dide.

YNK zêdetirî 83 hezar deng bi dest xist

Yekîtiya Niştimanî ya Kurdistanê  rêjeya dengên xwe li gorî hilbijartinên berê yên 2021an 100% zêdetir zêde kiriye ku li gorî encamên destpêkê zêdetirî 83,000 deng bi dest xistiye û piraniya dengderan li parêzgehên Herêma Kurdistanê bûn.

Sindûqên dengdanê di demjimêr 6:00 êvarê bi amadebûna çavdêrên navxweyî û navneteweyî û nûnerên partiyên siyasî bi awayekî elektronîkî hatin girtin.

Piştî bidawîbûna proseyê, Mihemed Şeya Sûdanî peyamek weşand û tê de endamên hêzên ewlehî û leşkerî bi boneya bikaranîna mafên wan ên destûrî û beşdariya wan a çalak û hişmend di pêvajoya hilbijartinê de û destnîşankirina nûnerên wan di parlementoya bê de pîroz kir. Tekez kir ku erkê wan ê neteweyî ew e ku ji bo hilbijartinan jîngeheke aram bo hilbijartinan peyda bikin û pêşî li her binpêkirin an bandorê li ser pêvajoyê bigirin.
 Li gorî Komîsyona Bilind a Serbixwe ya Hilbijartinan (IHEC) li hemû parêzgehên Îraqê milyonek û 313 hezar û 980 endamên hêzên ewlehiyê mafê beşdarbûna di dengdana taybet de hebûn, di nav wan de nêzîkî 270 hezar dengdêr li herêmê, ku ji bo 809 navendên dengdanê hatibûn amadekirin, li 4 hezar û 501 wêstgehên dengdanê deng dan, û 26 hezar û 538 kesên koçberên navxweyî, Ji bo wan 97 navend li 27 wêstgeh hatine amadekirin.

PUKMEDIA