Qubad Talebanî: YNK rê li ber sînordarkirina azadiyê digire

Nivîsgeha Ragihandina Qubad Talebanî

Qubad Talebanî

Qubad Talebanî, Serpereştyarê Bazineya Hewlêrê ya Lîsta 222 ya Yekîtiya Niştimanî ya Kurdistanê (YNK), di civînekê de digel rojnamevan û karmendên dezgehên ragihandinê li parêzgeha Hewlêrê ragihand ku,YNK rê li ber sînordarkirina azadiyê digire û mîna Çiyayê Sefîn li pişt medyakaran radiweste.

Naveroka daxuyaniya civîna Serpereştyarê Bazineya Hewlêrê ya Lîsta 222 digel hevalên rojnamevan û karmendên medyayê re li Hewlêr civiya û ragihand ku, Serok Mam Celal gelek caran digot: YNKê, ku ji balafir, bombe û mûşekan natirse, ji rexneyên rojnamevanan û heta ji şîrovekirina xelet ya planên medyayî yên aliyên dijber jî natirse.

Di civîna min ya digel rojnamevan û karmendên dezgehên ragihandinê de li parêzgeha Hewlêrê, min destnîşan kir ku her çend karê rojnamegeriyê li Hewlêr û hin deverên din dijwar be jî, lê rojnamevanên me bi wêrekî erkên xwe pêk tînin,min ji wan re piştrast kir ku wekî Serok Bafil li Hewlêrê destnîşan kiribû, YNKê dê li pişt rojnamevan, heval û kadroyên xwe yên mîna Çiyayê Safîn bisekine, min wêrekiya hevalên me di dema rumalkirina êrîşa li ser wan de ya dema bangeşeyê beriya çend rojan berê spas kir ku erkên xwe cî bi cî kirine.

Her weh got: Min tekez kir ku YNKê ne tenê azadiya çapemeniyê misoger kiriye, di heman demê de rê li ber partiyên din jî girtiye ku yên dixwazin azadiyê sînordar bikin.

PUKMEDIA