Şêx Cefer pesna tekoşîna xwendekaran û bazineyên hilbijartinê dide

Nivîsingeha Rojnamevaniya Şêx Cefer

Şêx Cafer Şêx Mistefa, Berpirsê Civata Parastina Berjewendiyên Bilind yê YNKê

Şêx Cafer Şêx Mistefa serdana bazineyên hilbijartinê kir û wan pîroz kir

Îro, Şemî, 1ê Mijdara 2025an, Heval Şêx Cefer Şêx Mistefa, Berpirsê Civata Parastina Berjewendiyên Bilind ya Yekîtiya Niştimanî ya Kurdistanê (YNK), serdana bazineyên hilbijartinê yên li taxên Çwar Çira, Serçinar, Azadî û Xebat yên bajarê Silêmaniyê kir û ji aliyê hevalan Rehel Elî, Berpirsê bazineya Çaremîn ya Çawerçira, Burhan Ebdulrehman, Berpirsê Bazineya 10 ya Serçinar, Hawrê Serçinar, Brpirsê Bazineya Azadî 3, Mehmûd Qaradaxî, , Brpirsê Bazineya Xebat 2 û hejmareke mezin ji kadroyên her çar bazineyan ve bi germî hate pêşwazîkirin.

Di çar civînên cuda de, Heval Şêx Cefer hewl û xebata dijwar ya berpirs û kadroyên bazineyên hilbijartinê pîroz kir ku bi wêrekî erkên xwe di teşwîqkirina têkoşîna girseyî û piştgiriya namzetên Lîsta 222 ya YNKê de pêk tînin, her wiha girîngiya beşdariya jinan di tîmên bangeşeya hilbijartinê de tekez kir û girîngiya beşdariya berfireh ya jinan di pêvajoya dengdanê de zelal kir, ji ber ku jin nîvê civakê ne û dikarin bi dengên xwe di warê siyasî de guhertinên girîng çêbikin, bi taybetî di vê hilbijartina 11/11 de, ku tê çavrêkirin ku bi coş biçin navendên dengdanê û sindoqên dengdanê kesk bikin û di dawiyê de serkeftinê pîroz bikin.

L hemberî wê yekê  berpirs û kadroyên bazineyan spasiya rênmayî, handan û pesnê hevalê berpirsiyarê civatê kirin ku bi berdewamî piştgirî dide organ û kadroyên cûda yên partiyê, her wiha behsa bersiva erênî ya gel û amadekariyên wan ji bo tomarkirina serkeftinek mezin ya demokratîk kirin û tekez kirin ku ewê hemû hewldanên xwe ji bo serkeftina lîsta şehîdan bikar bînin.

Şêx eafer Şêx Mistefa pesna hewldanên xwendekaran dike

Her îro, Şêx Cefer Şêx Mistefa, Berpirsê Civata Parastina Berjewendiyên Bilind ya Yekîtiya Nîştimanî ya Kurdistanê (YNK), li baregeha civatê pêşwazî li hejmareke mezin ji xwendekaran kir.

Di civîna ku nûnerên xwendekaran, hevrê Cotyar Nûrî û mamosta Ciwamêr beşdar bûn de, Şêx Cefer bal kişand ser têkoşîna xwendekaran di şoreşa rizgariya gelê Kurdistanê de û rgihand ku, hûn beşek girîng û bi bandor in, dînamo û dilê zindî yê civakê ne û piraniya serkirdeyên Kurd û berpirsên îdarî yên niha yên welêt ji we derketine her weha ew jî bi bîr xist ku gelek serkirdeyên xwendekaran û bi sedan xwendekaran di şoreşa nû ya gelê me de canê xwe feda kirine.

Wî tekez kir ku Serok Mam Celal, YNKê û serokê niha yê YNKê ji damezrandina YNKê û destpêkirina şoreşa nû ve her tim girîngiyeke taybet dane mijara perwerde û xwendekaran, dema ku rêjîma Beis xwendingehên li deverên di bin kontrola şoreşê de girtin, YNKê xwendingehên nû li gundan ava kir û mamosteyên şoreşger ji wan re peyda kir, daku perwerde nesekine û zarokên Kurd ji perwerdeyê bêpar nemînin.

Derbarê rola xwendekaran di xebata sivîl û demokratîk de, Berpirsê Civatê got: Hûn pêşengên têkoşîna demokratîk in û wekî hilbijartinên berê di lîstên YNKê de roleke we ya girîng hebû, divê hûn di vê hilbijartinê de destên xwe yên wêrek bilind bikin û hemû hewla xwe bidin daku di Lîsta 222 de bi ser bikevin û bi qasî ku pêkan e namzetên YNKê bişînin ji bo ku hûn beşdarî Parlemana Îraqê bibin di derxistina yasayên ku xizmeta doza neteweyî ya miletê me dikin û xizmeta wan dikin.

Di beşek ji civînê de, Herêm Îsmayîl, Berpirsê Peywendiyên Komeleya Xwendekaran, li ser navê xwendekaran gotarek pêşkêş kir û têde pesna piştgiriya berdewam ya Heval Şêx Cefer ji bo xwendekaran da û girîngiya piştgiriya namzetên Lîsta 222 ya YNKê tekez kir.

PUKMEDIA