Mekteba Siyasî pîrozbahiyê li rojnamevanên Mekteba Ragihandin û Hişyarî dike

PUKMEDIA

Logoyê YNKê

Mekteba Siyasî ya Yekîtiya Niştimanî ya Kurdistanê (YNK) bi boneya Salvegera Jubîleya Zêrîn ya medyayê peyamek pîrozbahiyê ji rojnamevan û medyakarên kenalên mekteba ragihandin û hişyarê yên Yekîtiya Niştimanî ya Kurdistanê (YNK) dike û ragihand ku, medyaya YNKê di vî warî de pêşengî tomar kiriye û di nav wergirên Kurdistanê de bûye mînakek ji rastgoyî û baweriyeke xurt di heman demê de, kenalên medyayê yên YNKê gelek rojnamevan û medyakar perwerde kirine ku niha li saziyên navdar ên Kurdistan û Îraqê kar dikin.

Naveroka Peyamê:

Hevalên rojnamevan û medyakarên Mekteba Ragihandin û Hişyarî

Bi boneya Yubîleya Zêrîn ya Yekîtiya Nîştimanî ya Kurdistanê (YNK), em bi germî we pîroz dikin û serkeftinên berdewam ji bo we dixwazin.

Karwana medyayî ya YNKê her ji destpêka damezerandina xwe ve ji bo nasnameya YNKê wekî rêxistineke siyasî û gihandina deng û armancên wê hatiye veqetandin, di rojek wek îro de sala 1975an, govara mehane  ya (El-Şerare) û paşê jî Govara (Riya Nû) derxist, ji wê demê ve, kanalên wê di hemû qonaxan de bûne mînakek ji bo rastgoyî û medyayî û di nava xwendevan, guhdarvanan û temaşevanên Kurdistanê de baweriyek xurt ava kirine.

Piştî serhildanê, medyaya YNKê digel guhertinên nû gav bi gav çû û destpêşxeriya weşandina yekem rojnameya rojane ya berdewam û damezrandina yekem kanala televîzyonê ku bi rastî daxwazên temaşevanên Kurd tîne ziman, girt ser xwe ku bi vê yekê medyaya YNKê pêşengî di vê warî de tomar kiriye.

Berî damezrandina beşên rojnamegerî û medyayê li zanîngeh û peymangehên Kurdistanê, kanalên medyayê yên YNKê gelek rojnamevan û medyakar perwerde kirin ku niha di saziyên navdar yên Kurdistan û Îraqê de kar dikin.

Îro jî,ev salveger hevdem e digel bangeşya Hilbijartina Parlemana Îraqê, di vê erkê de, kenalên Burda Medyayê ya YNKê bi hestek berpirsiyariyê ya herî bilind û pabendbûna bi prensîbên exlaqa rojnamegeriyê re kar dikin ku kar li ser veguhestina peyam û bernameya Lîsta 222 ya Yekîtiya Nîştimanî ya Kurdistanê (YNK) dikin, û ji her arasteyek şaş xwe dûr girtiye, ku ev yek nîşaneyek din e ku hêvî bi gelê Kurdistanê bexşiye.

Careke din di vê salvegerê de em hêviya serkeftinên berdewam ji bo rojnamevan û medyakarên YNKê yên di hemû kenalên medyayê de dixwazin.

Mekteba Siyasî

Yekîtiya Nîştimanî ya Kurdistanê

PUKMEDIA