Karnameya lîsta 222 ya YNKê ji bo karûbarên diyasî û dîplomatîk

PUKMEDIA

Lîsta Yekîtiya Nîştimanî ya Kurdistanê- Hejmare 222

Hevrikiyên siyasî yên ne saxlem, xwesepandî, serdestî, hizra partiyan ya bi berjewendiyên teng, druşmên bilind yên bê naverok û gefên nerast û bê lêkolîn zirareke mezin dane pêgeha siyasî û dîplomatîk a Herêma Kurdistanê, bi cûrekê ku mûçe û mafên darayî yên Herêma Kurdistanê kiriye qurbanê serhişkiya siyasî û siyasetên cûrbecûr yên keyfî, bi vî awayî mûçexweran û jiyana welatiyan bûye perperok, û bandor li ser bazar û rewşa darayî ya hemî welatiyan kiriye û bandor li ser bazar û rewşa darayî ya hemû welatiyan dirust kiriye.

Ev rewş tenê bi partiyek wekî YNKê dikare were sererastkirin, bi taybetî ji ber ku YNKê di çend salên borî de bi serokatiya Serok Bafil,gelek destkeftiyên girîng bi dest xistine û bi pêgeha xwe ya dîplomatîk ya bihêz kariye gelek pirsgirêkên girîng yên girêdayî gelê me çareser bike:

Destkeftiyên Sereke:

1- Ji ber nakokiyên siyasî û hewldanên kesanekirina pirsgirêkên di navbera Herêma Kurdistanê û Bexdayê de li derveyî destûrê,pirsgirêka mûçe û mafên darayî yên Herêma Kurdistanê li ber hatin û ne hatinê ma û gelek mûçeyên welatiyên Kurdistanê çarenivîsa wan ne diyar man, tevî erkên xwe yên partiyê, Serok Bafil, wekî rêberek meydanî û siyasî, çareserkirina pirsgirêka mûçeyan kir mijara serdanên xwe yên li pey hev yên Bexdayê;di dawiyê de, ev yek rê li ber têgihîştinek di navbera her du hikûmetan de vekir ji bo peymanek yekgirtî ji bo xizmetkirina mûçexwaran,û di dawiyê de biryara xerckirina mûçeyên mûçexweram hate dayîn,ev pêngava dîrokî ya Serok Bafil derfetek bû ji bo çareserkirina pirsgirêka mûçeyan,lê di heman demê de ew zemînsaziyek bû ji bo ber bi çareserkirina pirsgirêkên din yên di navbera her du hikûmetan de.

2- YNKê karî rêbaza hikûmraniyê serrast bike û dawî li xwesepandinê di hilbijartina Parlemana Kurdistanê de ji bo cara yekem û heta hetayê bi dawî bîne, YNKê dikarî bi riya sindoqên dengdanê bi ser bikeve û nehişt tu hêzek careke din 1+50 bi dest bixe, û bi riya pêvajoya demokratîk avakirina hikûmetek xizmetguzariyê misoger kir.

3- Encamên Referandûmê û siwarbûna li ser destkeftî û çarenûsa gelê me, gefek rasterast li ser Herêma Kurdistanê anî û çarenûsa Kerkûk ya Qudusa Kurdistanê ya pîroz, xist nav duryanek e ne diyar û bi bijardeya şer û wêraniyek mezin re rû bi rû hişt,piştî derbazbûna çendîn salan li ser înkarkirina vegera Kurd ji bo jiyana hevbeş li Kerkûkê, dengderên YNKê li Kerkûkê û hewldanên dîplomatîk yên Serok Bafil,YNK karî parêzgarekî Kurd yê Kerkukî ji bo xelkê wê destnîşan bike bi arasteya vegerandina rûmeta rastî ya bajêr û peyama aştî, jiyana hevbeş û xizmetkirina xelkê Kerkûkê kir bingeha serfirazî û xurtkirina pêgeha Kurdan li bajêr,ev wesiyeta Serok Mam Celal bû ji bo YNKê û bi riya YNKê ji bo xelkê Kerkûkê.

4- Piştî gelek salan ji tepeserkirin û xapandina dengê azad yê civakan û çespandina modela yasayî ya kilasîk ya hilbijartinan, ku ji bo hemî aliyên siyasî yên Herêma Kurdistanê bûbû çavkaniya şerm û ne zelaliyê, di dawiyê de, bi hewldanên Serok Bafil û vîna polayî ya Yekîtiya Nîştimanî ya Kurdistanê (YNK), yasa di berjewendiya gelê Kurdistanê de hate çareserkirin û mafê xwedîtiya rastîn vegeriya bo pêkhateyan daku bi vîn û deng û daxwaziyên xwe karê xwe li Parlemana Kurdistanê bikin.

5- Wek qerebûyek e îdarî û exlaqî ji bo Helebçe, Serok Bafil bi riya hewildanên xwe yên dîplomatîk li Bexdayê û firaksiyona xwe ya parlemanî karîbû bi awayekî kirdarî bibe parêzvanekî bihêz yê Helebçe û Helebçe wekî parêzgeha 19.emîn ya Îraqê biçespîne.

6- Dijberên YNKê her tim YNKê bi peywendiyên gumanbar digel beşek ji hêzên siyasî yên li Îraq û welatên hevsê tawanbar kirine û gelek ayet û çîrok çêkirine daku gumanan li ser peywendiyên navxweyî û derve yên YNKê dirust bikin, lê YNKê siyasetek Kurdistanî û neteweyî li ser bingeha parastina hevsengiyê û peywendiyên dostane û aştiyane digel hêzên siyasî yên herêmî, welatên hevsê û cîhanê re meşandiye û xwedûrgirtin ji cemserên herêmî û navneteweyî ew hemû tohmet pûç kiriye û bi siyasetên jîran e yên ku peyrew kiriye bandor li her kesî kiriye.

7- Li ber çavan girtina rola pêkhateyan di nûneratîkirina Îraqê di dîplomasiyê de û di rêxistinên navneteweyî de.

PUKMEDIA