Serok Bafil:Me hemû sozên dabûn Kerkûkiyan cî bi cî kir

Kurdistan 01:53 PM - 2025-10-28

Serok Bafil Celal Talebanî

Bafil Celal Talebanî, Serokê Yekîtîya Niştimanî ya Kurdistanê (YNK) kernevala nasandina namzetên Lîsta 222 ya YNKê de ragihand ku hemû sozên dabûn Kerkûkiyan me cî bi cî kir û me hikûmetek ava kir ku cudkariyê di navber  pêkhateyên Kerkûkê  de nake û bawerî bi xizmetgûzarî, ewlehî û rûmeta xelkê bajêr heye.

Me dijberên xwe têk bir û soza xwe cî bi cî ki

Îro Sêşem rêkefta (28-10-2025) an Bafil Celal Talebanî, Serokê Yekîtiya Niştimanî ya Kurdistanê (YNK), di kernevala nasandina namzedên lîsta 222 ji bo Gera şeşemîn a Hilbijartina Civata Nûneran ya Îraqê de li Kerkukê ragihand ku, me soz da wan ku emê kurekî Kerkûkî ku kesekî Yekîtî ye bikin parêzgarekî Kerkûk ê , me ev kir ,nîvê cîhanê li dijî me rawestiya, lê me soza xwe bi cih anî û hikûmetek ava kir ku cudahîyê naxe navbera civakên Kerkûkî û bawerî bi xizmetguzarî, ewlehî û rûmetê tîne.

Kerkûk çi pirsgirêkên xwe yên av û karebayê nemaye

Her weha amje bi wê yekê kir ku ji ber ku parêzgarê Kerkûkê Kurdekî YNKê ye, budçe tenê sê caran hatiye bajêr, lê binêre kolan çiqas paqij in,û pirsgirêkên av û karebayê yên Kerkûkê êdî ne mane, çend projeyên xizmetguzariyê ji bo bajêr hatine bicîhanîn, bi piştgiriya xelkê bajêr û yekrêziya me em ê budçeyê ji nû ve rêk bixin û wê demê hûnê bibînin ka emê çiqas xizmetên din pêşkêş bikin.

Kompaniyên mezin dixwazin projeyên xwe bînin Kerkûkê

Di kernevalê de Serokê YNKê behsa wê yekê kir ku, bi piştgiriya we, me Kerkûk kir bajarê jiyana hevbeş, hemû pêkhate, Kurd, Ereb, Turkmen û Xiristiyan, bi hev re dijîn, niha Kerkûk gihîştiye astek ku mafên her kesî tên parastin, tevî cotkarên ku berê xiyanet lê hatibû kirin û kompaniyên mezin dixwazin projeyên xwe bînin Kerkûk û li wir bazirganiyê bikin, em hîn jî ji bo pêkhateyan şer dikin û rêzê li taybetmendiyên wan digirin ji bo vê jî em hewceyê nêrîna we ne û dengê xwe didinê.

Kerkûk bi demokrasiyê hatiye rizgarkirin

Di berdewamiya axaftina xwe de Serok Bafil got: Hin partî hene ku min hîna behsa wan ne kiriye, lê ez ê îro behsa wan bikim,ew dibêjin ku ewê bi şerkirinê Kerkûk rizgar bikin, li Kerkûkê binêre,Kerkûk bi demokrasiyê hatiye rizgarkirin, ne bi derewan,partiyek heye ku du kursiyên wê li Kerkûkê hene,ji rizgarkirina Îraqê ve, wê partîyê ji bo Kerkûkê çi kiriye?her bêrîkên xwe tijî kirine û Kerkûk û xelkê wan ji bîr kirine ew nikarin werin Kerkûk û di nav xelkê de, lê em li vir in û emê her tim digel xelkê Kerkûk bin û Kerkûk jî wan naxwaze, belku Kerkûk YNKê dixwaze.

Kurdî zimanê fermî yê Îraqê ye

Serokê YNKê tekez li wî yekê kir ku divê mûçeyên mamosteyên li Kerkûkê ji Bexdayê werin û xwendekar divê bi zimanê Kurdî bixwînin,ev destûra Îraqê ye û em pesend nakin, xiyanet lê me bê kirin , û Kurdî zimanê fermî yê Îraqê ye û (Em li Bexdayê Hêza We Ne), Ez ji we dixwazim ku hûn sindoqên dengdanê yên li Dûzxurmatû kesk bikin û xelkê ynkê, xizmên şehîdan û Pêşmergeyên ezîz bikin û serkeftina me serkeftina we ye.

YNKê ji hemû partiyên din geşbîntir e

Di dawiyê de Serok Bafil di dawiya axaftina xwe de got: Îro, YNKê ji hemû partiyên din geşbîntir, û bihêztir û yekgirtîtir e, ji ber vê yekê, piştgirî bidin Lîsta 222 ya YNKê, parêzgar û bajarê xwe bin û emê jî piştgirî bidin dengê we û Birêz Mam Celal sax bihêlin û riya Mam cî bi cî bikin, em hêza we ne li Bexdayê,herin û sindoqên me yên dengdanê kesk bikin,me ji bo wan gelek xebitî, li ser çavên me hûn hatin, Kerkûk... Kerkûk... Kerkûk.

PUKMEDIA