Serok Bafil tenê dikare pirsgirêkên li Bexdadê çareser bike

PUKMEDIA

Serok Bafil Celal Talebanî

Serokê Yekîtiya Niştimanî ya Kurdistanê, Birêz Bafil Celal Talebanî, di çarçoveya hewldanek berfireh de ji bo xurtkirina diyaloga neteweyî û hevkariya siyasî û parastina aramiyê û misogerkirina mafên destûrî yên Herêma Kurdistanê û hemû welatiyên Îraqê, çalakiyên xwe yên siyasî û dîplomatîk didomîne.

Serok Bafil Celal Talebanî tekez dike ku Bexdad kûrahiya stratejîk a siyaseta YNKê ye, û berjewendiyên welatiyên li Herêmê û Îraqê di berdewamiya têgihîştina neteweyî û çareserkirina pirsgirêkên nekok de bi ruhê destûrê û berpirsiyariya hevbeş de cih digirin.

Têkiliyên Xurt li Bexdadê

Herêm Kemal Axa, namzedê jimare 1 û serokê lîsteya jimare 222 ya YNKê li Parêzgeha Hewlêrê, ji PUKMEDIA re got: Serok Bafil Celal Talebanî û YNK her gav di çareserkirina pirsgirêkên di navbera Herêmê û Bexdayê de pêşeng bû, û Serok Bafil tenê rêber e ku bi têkiliyên xwe yên xurt li Bexdayê roleke girîng di çareserkirina van pirsgirêkan de lîstiye.
 Wî her wiha got: Di demekê de ku serokên partiyên siyasî yên din mijûlî gef û çavtirsandinê bûn, Serok Bafil Celal Talebanî, piştî nêzîkatiya Serok Mam Celal, çareserkirina pirsgirêkan girt ser xwe. Wî karî rewş aram bike û beşdarî lihevkirinekê bû ku li gorî wê mûçeyên karmendan werin dayîn.

Çareserkirina Pirsgirêkan

Dr.Rêkewt Heme Reşîd namzedê hejmar 1 serokê Lîsteya jimare 222 ya Yekîtiya Niştimanî ya Kurdistanê li Parêzgeha Silêmaniyê, ji PUKMEDIA re got: Ji bo her kesî eşkere bûye ku Serok Bafl tenê kesê xwedî bandor û role li paytext Bexdayê ye û dikare pirsgirêkan di navbera herdu aliyan de çareser bike.
Got jî: Tu serokê partiyek din nekariye rola ku Serok Bafil di misogerkirina mafê darayî yê karmendan û aramkirina rewşa di navbera Herêm û Bexdayê de lîstiye bilîze.

YNK dirûşmeyan ranake ger bi cih neyne

Wekî ku em hemî dizanin, YNK baweriya xwe bi siyaseta bertekan nayne. Berevajî vê, ew baweriya xwe bi diyalog û têgihîştinê ji bo çareserkirina pirsgirêkan tîne, û her dirûşmeyek ku derxe pêk tîne.
Me di gelek ezmûnên berê de şahidî kiriye ku di demên herî dijwar de û dema ku têkiliyên di navbera Hewlêr û Bexdadê de xirab dibin, Serokê Yekîtiya Niştimanî ya Kurdistanê,  Bafil Celal Talebanî, û Qubad Talabanî, lez dikin ku rêyek bibînin û bigihêjin têgihîştinek hevbeş ji bo çareserkirina pirsgirêkan.
YNK mîrata Serokê rihmetî Mam Celal didomîne û li ser wê rêbaza rast û aqilmend dixebite. Ew bawer dike ku pirsgirêkên herêmê divê li Bexdadê werin çareser kirin, ne li welatên cîran an paytextên cîhanê. Her ku YNK li Bexdayê xurttir be, Herêma Kurdistanê ew qas xurttir û ewletir dibe.

PUKMEDIA