Trump amadeye digel serokê Koreya Bakur bicive

Action News

Serokê Amerîka û Serokê Koreya Bakur

Serokê Amerîka amadebûna xwe ya ji bo hevdîtina digel serokê Koreya Bakur di Gera xwe ya Asyayî de nîşan da.

Serokê Amerîka Donald Trump ragihand ku eger Serokê Koreya Bakur Kim Jong Un dest bi gera xwe ya sê welatên Asyayî bike, ew amade ye ku di dema gera xwe ya pîlankirî ya sê welatên Asyayî de bi Serokê Koreya Bakur Kim Jong Un re hevdîtinê bike .

Li gorî ajansa nûçeyan ya Bloomberg ya Amerîkî, Donald Trump Serokê Amerîka li ser balafirê Air Force One di daxuyaniyekê de ji bo rojnamevanan got: Ez vekirî me." dema ku ji wî hat pirsîn gelo ew dixwaze bi Kim re hevdîtinê bike, Trump got: peywendiyên min bi wî re gelekî baş e.

Serokê Amerîka duh şevê ji Washingtonê derket, ku biryar e li wir geşteke pênc rojî ji bo Malezya, Japonya û Koreya Başûr bike,ev serdana wî ya yekem e ji dema destpêkirina dema xwe ya duyemîn di meha Çile de bo herêmê .

Serdana Trump ya yekem Malezya ye, ku ewê roja Yekşemê beşdarî Civîna Bilind ya Komeleya Neteweyên Başûrê Rojhilatê Asya (ASEAN) bibe ku li wir, tê çavrêkirin ku ew peymanek bazirganiyê bi Malezyayê re îmze bike û çavdêriya îmzekirina peymana aştiyê ya di navbera Tayland û Kamboçyayê de jî bike .

Tê çavrêkirin ku Trump beşdarî danûstandinên bazirganiyê yên asta bilind bi Serokê Çînê Xi Jinping re bibe di hevdîtina ku ji bo roja dawîn ya serdana wî hatiye pîlankirin daku peymanek ji bo bidawîkirina şerê bazirganiyê ya dijwar di navbera du aboriyên herî mezin yên cîhanê de were îmzekirin.

PUKMEDIA