Şeş partiyên Kurdistanî piştgiriya xwe ji bo lîsteya 222 ya YNK ragihandin

PUKMEDIA

Partiyên Kurdistanî

Şeş partiyên Kurdî piştgiriya xwe ji bo lîsteya 222 a Yekîtiya Niştimanî ya Kurdistanê (YNK) di gera şeşemîn a hilbijartinên parlamentoya Îraqê de ragihandin.

Roja Pêncşemê 23ê Cotmeha 2025an, şandeke bilind a Yekîtiya Niştimanî ya Kurdistanê bi serpereştiya Serkewt zekî endamê mekteba siyasî û bi amadebûna Salar Lale Serhed, berpirsê Têkiliyên Kurdistanê yê Hikûmeta Herêma Kurdistanê li baregeha Mekteba Siyasî ya li Silêmaniyê civînek li dar xist.
Civîn bi beşdariya Sekreter û Serokê her yek ji Partiya Neteweyî ya Kurdistanê, Partiya Demokrat a Pêşverû ya Kurdistanê, Tevgera Aştîxwazên ya Kurdistanê, Tevgera Çaksazîya Neteweyî, Partiya Kesk a Kurdistanê û Tevgera Rizgarîya Demokratîk a Kurdistanê beşdarî civînê bûn.

Piştî gotûbêjkirina hilbijartinên parlamentoyê yên pêşerojê û girîngiya yekkirina hewldanan, partiyan bi fermî piştgiriya xwe ji bo serkeftina lîsteya jimare (222) ya Yekîtiya Niştimanî ya Kurdistanê ragihandin, da ku pêgeha Kurdan li Bexdadê xurt bibe û xizmet ji welatiyan re peyda bikin.

Ji aliyê xwe ve, Serkewt Zekî spasiya YNK kir ji bo helwesta neteweyî ya partiyên beşdar û ev piştgirî wek gaveke girîng ji bo xurtkirina yekîtiya neteweyî ya gelê Kurd li Bexdadê bi nav kir.

PUKMEDIA