YNKê Ciwan û Jinan dike modelek ji bo guhertinên bingehîn

PUKMEDIA

Lîsta Hejmar 222 ya Yekîtiya Nîştimanî ya Kurdistanê

Lîsta 222 ya Yekîtiya Nîştimanî ya Kurdistanê di rojeva xwe de girîngiyek mezin daye ciwan û jinan, û tekez li ser rola pêşeng a van her du koman di guhertinên bingehîn yên civakî, siyasî û aborî de kiriye ku sereke li xwe digire, ev yek hêsankirina perwerde û gihîştina zanîngehên navneteweyî, dabînkirina kursan, pêşxistina projeyên Start Up û dabînkirina bazarên kar ên Dîjîtal vedihewîne,her wiha dabînkirina derfetan ji bo beşdarbûna çalak di postên bilind yên partî û hikûmetê de û nûnerayetiyê di festîvalên navneteweyî de ji bo ciwan û jinan.

Karnameya Lîsta 222 ya YNKê ji bo Ciwan û Jinan

Ciwan û jin dê bibin modelên guhertinên bingehîn kli cem YNKê de, YNKê di bin serokatiya rêberekî ciwan ê bi biryar de, armanc dike ku ciwan û jin wekî du beşên herî girîng yên civakê di pêşengiya hemû guhertinên nû de bin û di warên hestyar yên civakî, siyasî û aborî de di pêşengiya têkoşînê de bin.

1-Dabînkirina xwendinek erzan li zanîngeh û peymangehan ji bo ciwanan,mîna ya li Îraqê.

2-Hêsankirina gihîştina ciwanan ji bo zanîngehên navneteweyî û dabînkirina kursan.

3-Berdewamkirina projeyên destpêkê ji bo ciwanên Kurdistanê, bi riya desteyên ku hikûmeta Îraqê salane ji bo projeyên ciwanan yên piçûk fînanse dike ku ev gav li ser pêşniyara Cîgirê Serokwezîr demek dirêj e hatine avêtin.

4-Hewldan ji bo avakirina bazareke kar ya dîjîtal ji bo parvekirina kar di navbera Kurdistan û bajarên Îraqê û derveyî welêt de.

5- Hewldan ji bo beşdarbûna salane ya ciwanên Herêma Kurdistanê di festîvalên navneteweyî yên Îi Iraqê de, an jî  nûnerayetiya Îraqê di festîvalên navneteweyî de bikin.

6- Bi riya hikûmeta Îraqê, emê li hemû bajarên Herêma Kurdistanê ji bo dirustkirin cihê hevbeş ya kar(coworking spaces ) ji bo ciwanan bernamesaz û dîzayîn li tevaya bajarên Herêma Kurdistanê.

7-Pêşkêşkirina derfetan ji bo ciwan û jinên welatê me daku bi awayekî çalak beşdarî siyasetê bibin û baweriya wan bi wan were kirin ku postên bilind yên hizbî û hikûmetê bigirin.

8-Bi riya dezgehên federal û Wezareta Xwendina Bilind ya Federal, derfetên zêdetir ji bo ciwanên Herêma Kurdistanê peyda bikin daku xwendina xwe li derveyî welêt bidomînin.

Armanca YNKê ew e ku li Bexdayê xizmeta ciwanan bike

Yekîtîya Niştimanî ya Kurdistanê (YNK) ji bo ciwanan planeke taybet heye, namzetek ya jin ya ciwan dibêje: Çawa ku min di demên berê de di warê werzîş û derfetên kar de piştgirî da ciwanan, di pêşerojê de jî bi riya Civata Nûneran ya Îraqê ez dikarim bêtir û çêtir xizmeta ciwanan û hemû beşên civakê bikim.

Hêma Şehîd Karzan Şeqlaweyî, namzeda hejmare 24 ya Lîsta 222 ya YNKê li bazineya Hewlêrê, ji malpera PUKMEDIA fermî ya YNK re got:Armanca ynkê ew e ku LI Bexdayê xizmeta ciwanên Herêma Kurdistanê bike û deriyên xwendingehên navneteweyî ji wan re veke, ji bo vê armancê, yek ji mijarên sereke yên di rojeva me de mijara ciwanan e û plana me ya taybet ji bo wan li wir heye.

Her weha got: Ez namzetê herî ciwan ya Kurdistanê me û di demên berê de min gelek alîkariyên madî û manewî dane werzişvanên ciwanan û di pêşerojê de, ez plan dikim ku ji bilî alîkariya wan ji bo afirandina derfetên kar, di warên werziş û hunerê de xizmeta bêtir ciwanan bikim.

Em hewl didin jiyaneke baştir ji bo ciwanan peyda bikin

Yek ji wan komên ku YNKê bala xwe dide wan ciwan in û namzetekî ciwan yê di lîsta YNKê de dibêje:Hewldanên min ew e ku koçberiya ciwanan kêm bikim û jiyaneke baştir ji bo ciwanan peyda bikim.

Şeyda Hadî Hecî Kerîm, namzeta hejmare 8 ya Lîsta 222 ya YNKê li bazineya Silêmaniyê, ku namzeta herî ciwan ya bazineya xwe ye, ji malpera fermî ya YNKê, PUKMEDIA re wiha got: Karnameya partiya min xizmetkirina hemû çîn û texan e û pêşîniya min wekî namzeteke jin ya ciwan ew e ku di hemû waran de xizmeta baştir ciwan û jinan bikim.

Her weha aşkere kir ku ew ji bo kêmkirina koçberiya ciwanan û dabînkirina derfetên kar yên zêdetir ji bo wan kar dikin, ji ber ku piraniya malbatan ji koçberiya endamekî malbatê bandor bûne,piraniya wan ji ber nebûna derfetên kar û ji bo jiyaneke baştir koçber dibin û em hewl didin ku bi riya komîteyên Civata Nûneran jiyaneke baştir ji bo ciwanan peyda bikin, ji bo ku ez bikaribim karekî baş û planên guhertinê hebin.

Ev yek di demekê de ye ku YNKê di kar û planên xwe de her timî girîngî daye ciwanan  di warê dabînkirina derfetên kar û perwerdehiya bi kalîte li zanîngeh û kolejên herêmî û navneteweyî, û di warê werzîş û hunerê de, wî piştgirî daye ciwanan û ji bo pêşerojê, ew dixwaze zêdetir girîngiyê bide jin û ciwanan û wan bike dînamoya pêşveçûna Kurdistan û Îraqê.

PUKMEDIA