Şêx Cefer pesna rola jinan da û daxwaz kir piştgiriya Lîsta 222 bikin

Ragihandina Civata Parastina Berjewendiyên Bilind ya (YNK)

Civîna Berpirsê Civata Parastina Berjewendiyên Bilind bi jinan re

Berpirsê Civata Parastina Berjewendiyên Bilind ya Yekîtiya Niştimaniya Kurdistanê (YNK) piştrast kir ku ji dema damezrandina xwe ve, YNKê girîngiyek mezin daye rola jinan û beşdariya wan di çalakiyên siyasî, civakî û heta leşkerî her weha bang li wan kir ku di hilbijartinên yasadanînê yên pêş de dengê xwe bidin Lîsta 222 ya YNKê.

Ev yek di civîna Şêx Cefer Şêx Mistefa Berpirsê Civata Bilind ya Parastina Berjewendiyên Yekîtiya Niştimaniya Kurdistanê (YNK) digel komek endamên Yekîtiya Jinên Kurdistanê (Jinan) de li Silêmaniyê pêk hat.

Şêx Cefer Şêx Mistefa behsa dîroka Yekîtiya Jinên Kurdistanê kir, ku di mercên dijwar de piştî pêlên Enfalê, bi pêşniyara Serok Mam Celal hate damezrandin û ji wê demê ve têkoşîna xwe ya sivîl berdewam dike.

Her wiha bal kişand ser rola berbiçav ya jinan di civaka Kurdî de û nêrîna prensîbî ya Yekîtiya Niştimaniya Kurdistanê li ser pirsgirêkên jinan û got:Yekîtîya Niştimanî ya Kurdistanê, ji dema damezrandina xwe ve di bin serokatiya Serok Mam Celal de, girîngiyeke mezin daye têkoşîna jinan ya ji bo bidestxistina mafên xwe û rola ku heq dikin daye wan, û wî gelek jin şandine parleman, hikûmet, civata parêzgehê û postên bilind yên partî û hikûmetê,û destnîşan kir ku Yekîtîya Niştimanî ya Kurdistanê rola jinan di warê leşkerî de jî ji nedîtî ve neanîye, ji ber ku di nav hêzên Pêşmerge de ji bo wan alayîyek taybetî ava kiriye, û wan di rûbirûbûna terorîzmê û parastina destkeftiyên gelê me de roleke berbiçav lîstine.

Seroka Civata Bilind ya Parastina Berjewendiyan bang li endamên Yekîtiya Jinan kir ku di têkoşîna demokratîk de pêşeng bin û ji bo piştgiriya Lîsta 222 ya Yekîtiya Niştimaniya Kurdistanê hewlên herî zêde bidin.

PUKMEDIA