Cîgirê Serok û Balyozê Avusturalya: Divê peywendiyan pêştir bixin

Ragihandina Cîgirê Serokê Herêma Kurdistanê

Cîgirê Serokê Herêma Kurdistanê û Balyoza Avusturalya li Îraqê

Îro Yekşem rêkefta (19-10-2025) an Cîgirê Serokê Herêma Kurdistanê Şêx Cafer Şêx Mistefa pêşwazî li Balyozê Avusturalya li Îraqê Glenn Miles û şandeya pê re kir.

Di civînê de peywendiyên di navbera Herêma Kurdistanê û Îraqê de bi Awistralyayê re hatin gotûbêj kirin, girîngiya berdewamkirin û berfirehkirina peywendiyan di hemû waran de hate tekez kirin; her wiha li ser mijara çaksazî û yekxistina Pêşmerge û pêvajoya hilbijartinên Civata Nûneran ya Îraqê ya çaverêkirî jî hatin gotûbêj kirin.

Derbarê pirsgirêk û kêşeyên di navbera Hewlêr û Bexdayê de, ku mijareke din ya civînê bû, tekezî li ser berdewamiya danûstandinan û çareserkirina pirsgirêkan li gorî destûrê hat kirin.

Derbarê rewşa navxweyî û pêvajoya avakirina kabîneya nû de, her du aliyan girîngî dan pêwîstiya yekrêziya di navbera partîyên sîyasî yên Herêma Kurdistanê de, ji bo bi serxistina wê pêvajoyê.

PUKMEDIA