Qubad Talebanî: Têgihîştina di navbera Herêm û Bexdayê de divê çareseriyek radîkal ji bo nakokiyan be

Nivîsgeha Ragihandina Qubad Talebanî

Cîgirê Serokwezîr Qubad Talebanî û Balyozê Brîtanya Îrfan Sadiq

Cîgirê Serokwezîr Qubad Talebanî bi Balyozê Brîtanya li Îraqê Irfan Sadiq û Balyozê Fransayê li Îraqê Patrick Dorrell re cuda cuda civiya da ku rewşa herêmê û hilbijartinên li Îraqê hat gotûbêj kirin.

Di herdu civînan de, ku roja Sêşemê 14ê Cotmeha 2025an li Hewlêrê hatin lidarxistin, li ser pêşketinên dawî yên li herêmê, bi tekezî li ser bidawîhatina şerê Xezeyê, nêrîn hatin guhertin û hêvî dihat kirin ku bi dawîhatina şer dê bibe destpêkek baş ji bo xurtkirina aştî û aramiya berfireh li herêmê.

Di tewerek din ya civînê de her wiha peywendiyên di navbera Herêma Kurdistanê û Bexdayê de hatin gotûbêjkirin, Cîgirê Serokwezîr bal kişand ser rêkeftina li ser mijara petrolê û ji nû ve destpêkirina hinardekirina petrol her weha aşkere kir ku ewê hemû hewlekê bidin daku ji têgihîştina di navbera her du aliyan de wekî derfetek ji bo çareserkirina nakokiyên di navbera Herêma Kurdistanê û Bexdayê de mifa werbigirin, bi taybetî ji bo garantîkirina mûçe û budceya Herêma Kurdistanê.

Di beşeke din ya her du civînan de, hilbijartinên Civata Nûneran ya Îraqê hatin gotûbêj kirin, Qubad Talebanî got: Lidarxistina hilbijartinên paqij û dadperwer, di rewşek aram û bê alozî de, ji bo aramiya Îraqê û avakirina hikûmeteke bi bandor ku ji bo hemû civakên Îraqî têrker be pir girîng e û hêvî kir ku di çar salên bê de gelên Kurdistan û Îraqê beşdarî hilbijartinan bibin û li ser çarenûsa xwe û welatê xwe biryar bidin.

PUKMEDIA