Hemas û Îsraîl ji bo rawestandina şer gihîştin lihevkirinekê

PUKMEDIA

Xeze

Navbeynkarên di danûstandinên nerasterast ên di navbera Îsraîl û Hemasê de sibeha Pêncşemê ragihandin ku her du alî gihîştine rêkeftinekê ku dê rê bide agirbestek li Xezeyê.

Wezareta Karên Derve ya Qeterê îro piştrast kir ku di navbera Îsraîl û Hemasê de li ser hemî bend û mekanîzmayên pêkanîna qonaxa yekem a peymana agirbestê li Xezeyê, ku dibe sedema bidawîbûna şer, rêkeftinek hatiye kirin.
Berdevkê Wezareta Karên Derve ya Qeterê Macid El-Ensarî di postek li ser hesabê xwe yê X de got: "Navbeynkar radigihînin ku îşev li ser hemî merc û mekanîzmayên pêkanîna qonaxa yekem a peymana agirbestê li Xezeyê rêkeftinek hatiye kirin.

Got jî: ku ev rêkeftin "dibe sedema rawestandina şer, berdana girtiyên Îsraîlî û girtiyên Filistînî, û derbaskirina alîkariyan. Wî destnîşan kir ku hûrguliyên rêkeftinê dê paşê werin ragihandin.
Her çend çavkaniyan piştrast kirin ku îmzekirina fermî ya rêkeftinê dê îro Pêncşemê pêk were.
Medyaya Îsraîlê ragihand ku danûstandina girtiyan dê roja Şemî an Yekşemê pêk were. Di heman çarçoveyê de, CNN ragihand ku "tê pêşbînîkirin ku girtiyên Îsraîlî roja Şemî an Yekşemê werin berdan." Associated Press li ser zarê çavkaniyên xwe ragihand ku Hemas dê di dawiya hefteyê de hemî bîst girtiyên zindî berde, di heman demê de hêzên Îsraîlî dê ji piraniya deverên Xezeyê vekişin.

Ji aliyê xwe ve, berdevkê hikûmeta Îsraîlê ji Reuters re got ku Îsraîl texmîn dike ku roja Şemiyê dest bi berdana girtiyan bike.û aşkire ne kir ku ka wê hemî girtiyan ku 48 kesin berdin yan na, lê Trump got girtiyên miorî jî wê di nav de bin.
Ajansa France-Presse ji zarê rayedarekî Filistînî yê ku bi danûstandinan re agahdar e got ku peymana ku hatiye kirin destnîşan dike ku Hemas dê 20 girtiyên zindî di yek komê de berde.

Ajansê ji zarê çavkaniyên Hemasê got di nav 72 demjimêrên ji bicîhanîna peymanê pevguhartina girtiyan di navbera herdu aliyan de pêk tê. 

PUKMEDIA