Rêbwar Teha ji Kerkûkiyan re: Lîsta YNKê bikin lîsta herî xurt ya Îraqê

PUKMEDIA

Rêbwar Teha, Serokê lîsta YNKê li Kerkûkê

Îro Çarşem rêkefta (08-10-2025) an kernevala biserxistina Lîsta 222 ya Yekîtiya Nîştimanî ya Kurdistanê li Kerkûkê bi rêve çû; û Rêbwar Teha, Serokê wê lîstê  tekez kir ku  YNK û xelkê Kerkûkî cêwîyên ji hev nayên veqetandin in û daxwaz jî kir ku di roja dengdanê de hemû lîsta YNK bikin lîsta herî xurt ya Kurdistan û Îraqê.

Rêbwar Teha, Serokê lîsta Yekîtiya Niştimanî ya Kurdistanê (YNK) li Kerkûkê di wê kernevalê de gotarek pêşkêş kir û ragihand ku YNK hemû sozên xwe berê dabûn cî bi cî kiriye soza herî girîng ew bû ku rewşa Kerkûkê asayî bibe, ku îro rêveberiyeke baş bi hevkariyeke rastîn bi civakên din yên Kerkûkê re hatiye avakirin, ku xizmeta gel kiriye.

Serokê lîsta YNKê ya li Kerkûkê derbarê rewşa niha ya Kerkûkê û berawirdkirina bi dema borî ragihgand ku caran em dihatin û digotin emê bipirsin û hewl bidin, lê niha em dibêjin ku me ferman daye ku emê projeyan cî bi cî bikin; di vê demê de, emê şehîdên xwe bi bîr bînin û emê wan qet ji bîr nekin û emê dilsozê xwîna wan û kurên wan bin.

Rêbwar Teha bang li xelkê Kerkûkê kir ku ji bo parastina vê rêveberiyê dengê xwe bidin lîsta 222an ya YNKê û amaje bi wê yekê kir ku xelk saleke ji me dipirsin û em bi dengê zarokekî û dengê her kesî diçin, niha ez ji we dixwazim ku hûn bi awayekî çalak beşdar bibin daku ev rêveberiya ku xizmeta gel dike were parastin û lîsta YNKê li Kerkûk û Îraqê bibe lîsta herî bihêz.

Her weha got:Ji bo ku bernameya ku me danîye temam bikin, emê siyaseta fermî ya YNKê di rêveberiya Kerkûkê de cî bi cî bikin;ez piştrast im ku xelkê Kerkûkê dê piştgirîya min bikin daku ez bêtir xizmeta wan bikim.

Di dawiyê de Rêbwar Teha, Serokê lîsta YNKê ya li Kerkûkê, got: Xelkê Kerkûkê û YNK cêwîyekî ne ku ji hev nayên veqetandin û di 11ê Mijdarê de her kes dê biçe ser sindoqan û lîsta YNKê dê bibe bi hêztirîn lîst.

PUKMEDIA