Pêşangehek wêneyên Serok Mam Celal hat vekirin

PUKMEDIA

Vekirina Pêşangehek ji wêneyên Serok Mam Celal

Îro,01ê Cotmeha 2025an,Burda Ragihandina Yekîtiya Niştimanî ya Kurdistanê (YNK) di digel nêzîkbûna salroja koça dawî ya serdkirde û rêberê gelê me de pêşangehek taybet ya wêneyên Serok Mam Celal vekir.

Pêşangeh bi amadebûna Letîf Nêrweyî, Berpirsê Burda Ragihandina Yekîtiya Niştimanî ya Kurdistanê (YNK), endamên Mekteb, endamên Burda Ragihandin û heval û hogiran hat vekirin ku têde beşek ji wêneyên derbarê qonaxên cuda yên têkoşîna siyasî û rizgarîxwaz a gelê me, ku di ciwaniya wî de dest pê kiriye, hatin pêşandan.

Derbarê pêşangehê de Letîf Nêrweyî, Berpirsê Burda Ragiha ndina Yekîtiya Niştimanî ya Kurdistanê (YNK) got: Îro wekî karekî biçûk li ser milê me, me hejmarek wêneyên Serok Mam Celal di qonaxên cûda de pêşkêş kirin.

Her weha amaje bi wê yekê kir ku her wêneyek dîrokek û bûyerek bi serê xwe ye, û amûrek e ji bo nifşên pêşerojê yên vî welatî daku li ser van wêneyan lêkolîn bikin.

Berpirsê Burda Ragihandina Yekîtiya Niştimanî ya Kurdistanê (YNK) got: Me ew wek Serok Mam Celal an jî Heval Mam Celal dîtiye lê di vê pêşangehê de em wêneyên Mam Celal dibînin, ango beşek ji wan wêneyan wêneyên malbatê ne, ku em dibînin ew hem hevalekî dilovan bû û hem jî bavekî dilovan bû.

Di dawiyê de, Letîf Nêrweyî, Berpirsê Burda Ragihandina Yekîtiya Niştimanî ya Kurdistanê (YNK) ragihand ku Serok Mam Celal rojnamevan û nivîskarek bû ku bi sê zimanan gotar dinivîsand, her wiha ew dostê medyayê û nivîskar jî bû, wî piştgirî dida medyaya azad û baweriya wî bi azadiya derbirînê hebû, em xwendekarên xwendingeha mezin in ku heval Mam Celal mamostetiya wê dikir.

PUKMEDIA