Îraq pêşwazî li plana Trump ya ji bo ragirtina şerê li Xeze dike

Reuters

Wêrankariyên li Kerta Xeze

Wezareta Karên Derve ya Îraqê pêşwazî li destpêşxeriya Serokê Amerîka Donald Trump dike ku armanca wê bidawîkirina şerê li Xezeyê ye.

Wezareta Karên Derve ya Îraqê di daxuyaniyekê de ku gihîştiye PUKMEDIA got : Wezareta Karên Derve pêşwazî li destpêşxeriya Serokê Amerîka Donald Trump dike ku armanca wê bidawîkirina şerê li Xezeyê ye.

Li gorî daxuyaniyê, wezaretê "pêşniyarên di daxuyaniyê de yên derbarê rawestandina şer,û ji nû ve avakirina Xeze û pêşîgirtina li koçberbûna gelê Filistînê, û her weha tekez kir ku desteserkirina Kerta Xeze nayê destûr kirin.

koçka Spî plana Serokê Amerîka Donald Trump ya ji bo bidawîkirina şerê li Xezeyê di 29ê Îlonê de eşkere kir.

Plan, ku bi hevdîtina Trump û Serokwezîrê Îsraîlê Benjamin Netanyahu li Koçka Spî re hat weşandin,ji 20 xalan pêk tên, yên herî girîng ev bûn:

*Hêzên Îsraîlê dê ji bo berdana rehîneyan vekişin xeta lihevkirî. Di nav 72 demjimêran de piştî pejirandina giştî ya vê peymanê ji hêla Îsraîlê ve, hemî rehîne, sax û mirî, dê werin vegerandin. Dema ku hemî rehîne hatin berdan, Îsraîl dê 250 girtiyên ku sizayên heta hetayî distînin, ji bilî 1700 akinciyên Kerta Xezeyê yên ku piştî 7ê Cotmeha 2023an hatine girtin, berde.

 Her wiha dê lêborînê bide endamên Tevgera Hemasê yên ku soza jiyana aştiyane û bêçekbûnê didin. Endamên Hemasê yên ku dixwazin ji Xezeyê derkevin dê riyek ewle ji bo welatên wergir were peyda kirin, û hemî alîkarî dê tavilê ji Kerta Xezzeyê re were şandin.

Ev yek di demekê de ye ku, piraniya welatên Ereb û Îslamî pêşwazî vê planê kirine, lê Tevgera Hamasê hîna helwesta xwe ya fermî li ser vê yekê eşkere nekiriye.

PUKMEDIA