Encûmena Nûneran li ser 11 Piroje û Pêşniyaryasayan deng dide

Dezgeha Ragihandina Encûmena Nûneran

Encûmena Nûneran

Biryare ku Encûmena Nûneran îro Çarşemê 1ê Cotmeha 2025an, civîna xwe ya asayî li dar bixe, ku têde dengdana li ser 11 piroje û pêşniyarên qanûnê deng tê dandin.

Li gorî rojeva ku ji hêla desgeha medyayê ya Encûmena Nûneran ve hatiye weşandin û gihîştiya destê PUKMEDIA ku dengdana li ser pêşniyaryasaya serrastkirina sêyemîn a qanûna qerebû kirina zerarmendan ku ji ber kiryarên rêjîma berê endamên laşê xwe jidest dane, dengdana li ser pêşniyara serrastkirina yekem a qanûna Desteya Niştimanî ya Kontrola etomî, Radyolojîk, Kîmyewî û Biyolojîk, pêşnûmeqanûna rêkxistinkirina enerjiya nûjenkirî, û pirojeyasaya li ser tenduristiya derûnî" vedihewîne.
Her weha wê dengdan li ser gelek pirojeyasayên din yên girîn bidin,  dengdan li ser pesendkirina Peymana handan û Parastina Beramberî ya Veberhênanan di navbera Hikûmeta Îraqê û Siûdî de; dengdana li ser pirojeyasaya tevlîbûna Îraqê ya Peymana Pêşangehên Navneteweyî ya ku di sala 1928an de li Parîsê hatiye îmzekirin, û bi Protokolên 1948, 1966 û 1972an û guhertinên wan ên 1982 û 1988an ve hatiye temamkirin, rêk dixe; dengdana li ser pêşnûmeqanûna ku Guhertina Çaremîn a Qanûna Veberhênana Pîşesaziyê ji bo Sektorên Taybet û Têkel Hejmar (20) a 1998an diguherîne; dengdana li ser pêşnûmeqanûna ku Guhertina Yekem a Qanûna Parastina Sivîl Hejmar (44) a 2013an diguherîne; û dengdana li ser pêşnûmeqanûna li ser Mafê Gihîştina Agahdariyê" vedihewîne.

Dezgeha Medyayê diyar kir ku di rojevê de dê "dengdana li ser pêşniyara qanûna ku rêxistina sendîka a karker û karmendên hunermend rêk dixe; dengdana li ser pêşnûme qanûna ku mafên qurbaniyên Nexweşxaneya Ibn el-Xetîb, qurbaniyên Navenda el-Neqai û qurbaniyên bûyera el-Hemdaniyê rêk dixe" jî hebe.


PUKMEDIA