Trump: Rojeke dîrokî ji bo aştiyê û Netanyahu piştgiriyê dide bidawîbûna şerê Xeza

BBC

Serokê Amerîkayê Donald Trump û Serokwezîrê Îsraîlê Benjamin Netanyahu

Serokê Amerîkayê Donald Trump êvara Duşemê got ku "îro rojek dîrokî ye ji bo aştiyê", û destnîşan kir ku ew ji wergirtina "bersiveke erênî" ji Hemasê derbarê plana wî ya bidawîanîna şerê li Xezeyê de geşbîn e.

Trump di civîna çapemeniyê ya hevbeş de bi Serokwezîrê Îsraîlê Benjamin Netanyahu re got: Îro rojek dîrokî ye ji bo aştiyê.
Wî zêde kir, Me lihevkirinên girîng bi dest xistine, di nav de Îran, bazirganî, berfirehkirina Peymanên Birahîm, û ya herî girîng, çawaniya bidawîanîna şerê li Xezeyê. Ev beşek ji aştiya herheyî li Rojhilata Navîn e.
Wî berdewam kir, "Ez spasiya Netanyahu dikim ji bo razîbûna wî bi vê planê, ku dê rûpelek nû ya serfiraziyê ji bo herêmê veke. Ez spasiya pêşniyarên welatên Ereb û Îslamî û hevalbendên Ewropî dikim ji bo pêşxistina pêşniyara aştiyê.

Wî tekez kir, "Em pir nêzîkî gihîştina rêkeftineke aştiyê li ser Xezeyê ne. Ger Hemas bi pêşniyarê razî bibe, rehîne dê di nav 72 demjimêran de werin berdan."
Wî tekez kir: Welatên Erebî û Îslamî soz dane ku tavilê Xeza bêçek bikin û Hemas û hemû rêxistinên din ên terorîst bêçek bikin, û em li ser van welatan hesab dikin ku bi Hemasê re mijûl bibin. Û ji tiştên ku min bihîstiye, Hemas jî dixwaze vê yekê bi dest bixe."
Serokê Dewletên Yekbûyî yên Amerîkayê zêde kir: "Ez hest dikim ku em ê bersivek erênî ji Hemasê bistînin. Ger ev yek çênebe, Îsraîl dê ji aliya min ve pitgiriya tevahî bibe.

Got jî: Netanyahu bi tundî li dijî avakirina dewleteke Filistînî ye, û ez vê yekê fêm dikim. Netanyahu şervanek e, û Îsraîl bi şens e ku ew heye, lê gel aştiyê dixwaze.
Wî her wiha eşkere kir: "Min li ser Peymanên Birahîm danûstandin kirin, û plana min dê wan berfireh bike, û dive ku Îranê jî bigre, Tevlîbûna Îranê dê pir baş be."
Ji aliyê xwe ve, Netanyahu diyar kir: "Niha, em gaveke girîng ber bi bidawîanîna şerê li Xezeyê û danîna bingeha aştiyê li Rojhilata Navîn davêjin."

Ji aliyê xwe ve, Serokwezîrê Îsraîlê Benjamin Netanyahu piştgiriya xwe ji bo plana 20 xalî ya Serokê Dewletên Yekbûyî yên Amerîkayê Donald Trump ji bo bidawîanîna şerê li Xezeyê ragihand.
Wî got: "Ez piştgiriyê didim plana we ya bidawîanîna şerê li Xezeyê, ku armancên me yên leşkerî pêk tîne. Ew ê hemî girtiyên Îsraîlê vegerîne, şiyanên leşkerî yên Hemasê ji holê rake, desthilatdariya wê ya siyasî biqedîne, û piştrast bike ku Xeze careke din ji bo Îsraîlê gefê çênake."
Serokwezîrê Îsraîlê zelal kir ku ew qebûl dike ku şerê li Xezeyê bi awayekî ku armancên Tel Avîvê bi dest bixe bi dawî bibe, û her wiha got ku plana serokê Amerîkayê "lihevhatî ye bi prensîbên Îsraîlê yên ji bo bidawîanîna şer" li Xezeyê.

Wî li ser vê yekê axifî û got: "Birêz Serok, eger Hemas plana te red bike, an jî eger ew xwe wekî ku qebûl dike nîşan bide û dûv re her tiştî bike da ku pê re rûbirû bibe, Îsraîl dê bi xwe kar biqedîne. Ew dikare bi hêsanî were kirin, an jî dikare bi zehmet were kirin, lê ew ê were kirin."


PUKMEDIA