Çend depoyên teqemeniyên terorîstan li Hemrîn hatin ji nav birin

PUKMEDIA

Dijî Terorê

Hêzên Dijî Terorê, bi hevkariya Hêzên Hevpeyman û Hêzên Federal, operasyoneke ewlehiyê pêk anîn ku di encamê de hejmareke mezin ji depoyên cebilxaneyê yên terorîstan li herêma Hemrînê hatin wêrankirin.

Rêveberiya Giştî ya Dijî Terorê di daxuyaniyekê de ku kopiyek ji wê gihîştiye PUKMEDIA got : Piştî berhevkirina zanyariyên hewalgiriyê yên rast, û di bin çavdêriya rasterast a Birêz Wehab Helebceyî, Rêveberê Giştî yê Dijî Terorê, Hêzên Dijî Terorê, bi hevkariya Hêzên Hevpeyman, Hêzên Federal ên dijî terorîzmê li Kerkûk, Nînewa û Selahedîn û Hêzên Taybet, operasyonek e ewlehiyê li herêma Hemrînê pêk anîn.

Daxuyaniyê her wiha got: Operasyon bi bombebaraneke esmanî ya dijwar dest pê kir,piştre, hêzên hevbeş qadeke 25 km², ku 18 dever têde ne, paqij kirin, ew dever bi tevahî ji terorîstan paqij kirin û hejmarek depoyên çekan yên ku cebilxaneya navîn û giran têde hebûn, ji holê rakirin.

Hêzên Dijî Terorê piştrast kirin ku ewê berdewamin li ser paqijkirina axa Herêma Kurdistanê û Îraqê ji terorîstan û her metirsiyên din.

PUKMEDIA