Dest bi firotina milkên Şaswar Ebdulwahid dê bê kirin

Medya

Çavî Land

Di destpêka heyva bê de proseya firoştina mezadê ya milkên Kompaniya Veberhênana Geştyarî – Parvekirina Taybet ya Çavî li Rêveberiya Cî bicîkirina Duyemîn ya Silêmaniyê dê bi rêve biçe; û Wezareta jî Darayî dibêje: Hejmara wan 60 milk in ku bi mebesta vegerandina deynên kompaniyayê dê werin firoştin.

Wezareta Darayî û Aboriyê ya Herêma Kurdistanê di daxuyaniyekê de ragihand ku firotina milkên (Kompaniya Çavî ji bo Veberhênana Geştyarî - Parvekirina Taybet) dê li Rêveberiya Cîbicîkar ya Duyemîn ya Silêmaniyê dê were lidarxistin.

Girêdayî hejmara milkkan û sedema firoştina wan; wezaretê aşkere kiriye ku,hejmara 60 milk in ku ji bo vegerandina deynên bankayên girêdayî wezareta me dê bên firotin, ku digihêje 91 milyar û 760 milyon û 660 hezar û 350 dînaran; û hemû milk jî dê di yek pakêtê de bên firotin.

Di dawiyê de, Wezareta Darayî ragihand ku ewê beşdarî pêvajoya mezadê bibin, lewra her kesê bixwaze beşdarî pêvajoya mezadê bibe, dikare di zûtirîn dem de serdana Rêveberiya Cî bi cîkirina Duyemîn ya Silêmaniyê bibe daku zanyariyan werbigire û rêkarên îdarî û yasayî jî pêk bîne.

PUKMEDIA