Sûdanî rola Serok Bafil di rêkeftina Hewlêr-Bexdayê de bilind dinirxîne

Nivîsingeha Rojnamevanî ya Serokê YNKê

Serokê Yekîtiya Niştimanî ya Kurdistanê û Serokwezîrê Îraqê

Nivîsingeha Rojnamevanî ya Serokê Yekîtiya Niştimanî ya Kurdistanê (YNK) ragihand ku,îro Şemî piştî nîvro rêkefta (27-09-2025) an Bafil Celal Talebanî peywendiyek e telefonî ji Serokwezîrê Îraqê Mihemed Şeyah Sûdanî wergirt.

Di daxuyaniyê hatiye ku di destpêka peywendiya telefonî de, Serokwezîrê Îraqê Mihemed Şeyah Sûdanî ji bo piştgiriya Bafil Celal Talebanî spasiya xwe pêşkêş kir ji ber hewldanên wan yên ji bo nêzîkkirina herdu hikûmeta Îraqê û Hikûmeta Herêma Kurdistanê daku li ser hinardekirina petrola Herêma Kurdistanê rêkeftinek çêbikin,pîroz kir.

Her weha amaje bi wê yekê kir her di peywendiya telefonî de, Birêz Mihemed Şeyah Sûdanî rola Serokê Yekîtiya Niştimanî ya Kurdistanê (YNK) wekî kesayetekî sereke di danîna rêkeftinê de pesnê xwe da û got: Ew rêkeftin ne tenê destpêkek e ji bo çareserkirina pirsgirêka mûçeyan, lê di heman demê de çareseriya vejînê û veberhênana zêdetir ji bo pêşveçûna Herêma Kurdistanê û Îraqê ye.

Her weha aşkere kir ku li hemberî vê yekê, birêz Bafil Celal Talabanî ji bo peywendiya telefonî spasiya Serokwezîrê Îraqê kir û ji bo rêkeftinê jî pîrozbahî lê kir, û ji Serok Wezîr Mihemed Şeyah Sûdanî re got :Em hêvî dikin ku hemû mafên darayî yên Herêma Kurdistanê wekî mafek û li gorî destûrê ji Herêma Kurdistanê re werin şandin û ev rêkeftin dê bibe sedema aramiya mezintir li welêt.

Di daxuyaniyê de her wiha hat gotin ku Bafil Celal Talebanî pabendbûna her du hikûmetên Îraq û Herêma Kurdistanê bi rêkeftinê bi pêwîst zanî.

PUKMEDIA