Petrolê Herêma Kurdistanê ji dema ragirtin heya hinardekirinê

PUKMEDIA

Palavgeha Herêmê

Piştî du sal û du rojan li ser ragirtina hinardekirina petrola Herêma Kurdistanê bi awayekî fermî, îro Wezareta Petrolê ya Îraqê destpêkirina hinardekirina petrolê ji Herêma Kurdistanê ragihand û aşkere kir ku,bi bê pirsgirêk ew prose dest pê kiriye.

Hewldanên YKKê bûne sedema rêkeftinekê

Di demên borî de, hewldanên Serokê Yekîtiya Niştimanî ya Kurdistanê (YNK) Bafil Celal Talebanî û Cîgirê Serokwezîr Qubad Talebanî pir dijwar û berdewam bûn, ku ev yek bû sedema lihevkirinek ji bo ji nû ve destpêkirina hinardekirina petrolê û dest bi hinardekirina petrolê bê kirin.

Bi biryarekê hinardekirina petrolê demekê hate rawestandin

Roja 13ê Sibata 2023an de, li Parîsê biryarek ji 277 rûpelî ji bo rawestandina hinardekirina petrolê ji Herêma Kurdistanê hat derxistin, piştre 25ê Adara 2023an de, biryar bi fermî hat bicîhanîn û hinardekirina petrolê ji Herêma Kurdistanê hat rawestandin.

Şandeyên Hikûmeta Herêma Kurdistanê û Îraqê çendîn civîn encam dan

Ji bo pirsa petrola herêmê û destpê kirina proseya hinardekirinl, Şandeyên Hikûmeta Herêma Kurdistanê nêzîkî 50 caran serdana Bexdayê kirine da ku li ser pirsa hinardekirina petrolê gotûbêjan bikin, hewldan berdewam dikin ji bo gihîştina rêkeftinekê ji bo ji nû ve destpêkirina hinardekirina petrolê.

Rêkeftina sê alî hat îmzekirin

Roja 22ê Îlona 2025an,  li Hewlêrê ji bo hinardekirina petrolê, peymanek sê alî di navbera Hikûmeta Herêma Kurdistanê û hikûmeta Îraqê û kompaniyên petrolê yên biyanî yên li Herêma Kurdistanê de hat îmzekirin.
Li gorî peymanê, Herêma Kurdistanê dê rojane 280 hezar bermîl petrol hilberîne, ku ji wê 50 hezar bermîl dê ji bo xerckirina navxweyî be, di heman demê de 230 hezar bermîl dê radestî SOMO werin kirin, ku dê wan wekî ku divê were hinardekirin û bazarkirin, bişîne.

Hinardekirina petrola herêmê dest pê kir

Proseya hinardekirina petrola xav ya Hikûmeta Herêma Kurdistanê (HKR) bi riya boriya Îraq-Turkiye îro di demjimêr 6:00ê sibê de ji nû ve dest pê kir.

Di heman demê de, Wezareta Petrolê ya Îraqê di daxuyaniyekê de ragihand ku hinardekirin bi lez û bez, bêyî ku çi pirsgirêkek e teknîkî were tomar kirin, pêk hat, ku ev yek serkeftina hewldanên hevbeş ên di navbera hikûmeta federal û Hikûmeta Herêma Kurdistanê de nîşan dide.

Serok Bafil: Divê ev rêkeftin bikeve xizmeta gel

YNKê û serokê wê her tim bawer kirine ku diyalog çareseriya herî baş e ji bo çareserkirina pirsgirêkan û bidestxistina encamên xwestî di berjewendiya welatiyan de.

Piştî rêkeftinê, Serokê Yekîtiya Niştimaniya Kurdistanê (YNK) Bafil Celal Talebanî got: Em hêvî dikin ku ev rêkeftin dê bikeve xizmeta gelê me yê ezîz û di dabeşkirina dahata welêt û mafên darayî yên Herêma Kurdistanê de li gorî Destûrê dadperwerî hebe.

Her çend e beriya niha pirsgirêk li ser hinardekirina petrol û pirsa mûçeyan di navbera her du aliyan de westabûn, bi curekê ku çareserkirina wê ne hêsan bû,Serokê Yekîtiya Niştimaniya Kurdistanê (YNK) Bafil Celal Talebanî di 15ê Tîrmeha 2025an de gihîşt Bexdayê û bi Serokwezîrê Îraqê Mihemed Şeyah Sûdan re civiya, derbarê çareserkirina pirsgirêka mûçexwerên herêmê civiya, hevdem Civata Wezîrên Îraqê di 17ê Tîrmeha 2025an de ji bo gotûbêjkirina pirsa mûçeyan li Herêma Kurdistanê civîneke awarte li dar xist, Serokwezîrê Îraqê hewdanên serokê Yekîtiya Niştimanî ya Kurdistanê (YNK) ji bo gihîştina rêkeftinekê li ser veguhestina dahatên petrol û ne petrolê yên Herêma Kurdistanê û çareserkirina pirsgirêkên di navbera Herêma Kurdistanê û Bexdayê de pesnê xwe da.

Qubad Talebanî: Hinardekirina petrolê destkeftiyek mezin e

Tevî hewldanên wê yên berdewam ji bo çareserkirina pirsgirêka mûçeyên Herêma Kurdistanê û gihîştina rêkeftinekê bi Bexdayê re û çend serdan û hevdîtinên bi aliyên peywendîdar re li Bexdayê,Qubad Talebanî spasiya tîmên danûstandinê û kesên ku bi berdewamî piştgirî dane danûstandinan kir.

Piştî rêkeftinê, Cîgirê Serokwezîr Qubad Talebanî di peyamekê de got: Piştî vê rêkeftinê, emê hewlên xwe ji bo dabînkirin û gerentîkirina hemû maf û mafên darayî yên gelê Kurdistanê zêdetir bikin,ji ber  ku piştî gelek salên qeyran û nakokiyan, niha dem dema xizmetguzarî, ji nû ve avakirin û xebata berfireh ji bo pêşxistina Herêma Kurdistanê û Îraqê di hemû aliyan de ye.

Ev yek jî di demekê de ye ku, iiştî zêdetirî du sal, şeş meh û du rojan ragirtinê, îro 190 hezar bermîl petrol ji bo bendera Ceyhanê hat şandin.

PUKMEDIA