Hewldan ji bo vegerandina 60 welatiyan ji Lîbyayê bo Kurdistanê berdewam in

Getty Images

Koççberên Îraqî li Lîbya

Berpirsê Karûbarên Balyozxaneya Komara Îraqê li Trablusê ragihand ku balyozxane dê 60 koçberên ku neqanûnî hatine Lîbyayê, ku hemû jî welatiyên Herêma Kurdistanê ne, bi dilxwazî vegerîne Îraqê.

Ehmed El-Sehaf, Berpirsê Karûbarên Balyozxaneya Îraqê li Trablusê, di daxuyaniyekê de ji Ajansa Nûçeyan a fermî ya Îraqê re got: Balyozxane karîbû çarenûsa (60) koçberên Îraqî yên ku nêzîkî mehek berê bi awayekî neqanûnî ketine Lîbyayê lêkolîn bike, û destnîşan kir ku "balyozxaneyê ew li herêmek li rojavayê paytexta Lîbyayê dîtin. Ehmed El-Sehaf rave kir ku "balyozxane bi rayedarên têkildar ên Lîbyayê re hevahengiyê dike da ku ewlehiya koçberan misoger bike û vegera wan a bi dilxwazî bidomîne.

Amaje bi wê yekê jî kir ku hin ji (60) koçberan temen biçûk in, ku ev yek pêşkeftinên nû û pir hestiyar derdixe holê. Wî destnîşan kir ku "Balyozxane bi awayekî awarte dixebite û bi Wezareta Karên Derve ya li Bexdayê û Hikûmeta Herêma Kurdistanê re hevahengiyê dike da ku vegera koçberan bi dilxwazî piştrast bike, di heman demê de xizmetên mirovî û bijîşkî ji wan re peyda bike.

Li gorî agahiyên PUKMEDIA, ev koçber welatiyên Herêma Kurdistanê ne, bi taybetî niştecihên rêveberiya Raperînê ne. Ew nêzîkî mehek berê bi awayekî neqanûnî ketine Lîbyayê û li rojavayê paytexta Lîbyayê hatine girtin. 21 koçberên din jî hene ku tedbîrên pêwîst ji bo wan hatine girtin û pasaportên Îraqê ji wan re hatine dayîn. Ji bo vegera wan a di demek nêzîk de amadekarî têne kirin.

PUKMEDIA