Tîma YNKê: Rêkeftina navbera Herêm û Bexdayê bi saya hewldanên Serok Bafil in

Arşîv

Bafil Celal Talebanî, Serokê YNKê û Mihemed Şeyah Sûdanî, Serokwezîrên Îraqê

Çavkaniyek ji tîma YNKê li Bexdayê ji PUKMEDIA re ragihand ku, biryara dayîna mûçeyên heyva Tîrmehê encama serdana berê ya Serok Bafil Celal Talebanî ji bo Bexdayê û hevdîtina wî wî bi Serokwezîrê Îraqê Mihemed Şeyah Sûdanî re bûye ku di hevdîtinê de, ji bo çareseriyeke radîkal ji bo pirsgirêka mûçeyan ya herêmê, têgihîştinek û encamek erênî derket holê.

Hewldanên Serok Bafil ji bo çareserkirina pirsgirêkên di navbera Herêma Kurdistanê û Bexdayê de, bi taybetî di pirsa mûçeyan de, û şandina mûçeya heyva Tîrmehê û çareseriya bingehîn ya pirsgirêka mûçeyan encama wê ye, berê di navbera Serok Bafil û Serokwezîrê Îraqê de rêkeftin hatibû kirin, çavkaniyek ji tîma YNKê li Bexdayê got:Em ê hewlên xwe ji bo çareserkirina pirsgirêkan bidomînin.
Wê çavkaniyê aşkere kir ku her çend e mekanîzma cî bi cîkirina rêkeftinê di dema xwe ya diyarîkirî de bi temamî ne hatibû cî bi cîkirin, lê, Yekîtiya Niştîmanî ya Kurdistanê (YNK) hewlên xwe yên ji bo çareserkirina pirsgirêka mûçeyên Herêma Kurdistanê berdewam kir ku niha piraniya pirsgirêkên di navbera Herêma Kurdistanê û Bexdayê de hatine çareserkirin.

Ev yek di demekê de ye ku roja (15-07-2025) an Serokê Yekîtiya Niştimanî ya Kurdistanê (YNK) Bafil Celal Talebanî gihîşte Bexdayê û bi Serokwezîrên Îraqê Mihemed Şeyah Sûdanî re,derbarê çareserkirina pirsgirêka mûçexwerên herêmê civiya ,hevdem Civata Wezîrên Îraqê jî di 17ê Tîrmeha 2025an de ji bo gotûbêjkirina pirsa mûçeyên li Herêma Kurdistanê civînek awarte li darxist, Serokwezîrên Îraqê pesna hewlên Serokê Yekîtiya Niştimanî ya Kurdistanê (YNK) yên ji bo gihîştina rêkeftinekê li ser veguhestina dahatên petrol û ne petrolê yên Herêma Kurdistanê û çareserkirina pirsgirêkên di navbera Herêma Kurdistanê û Bexdayê de da.

PUKMEDIA