Biryara şandina mûçeyên heyva 7 ya herêmê hat dayîn

Nivîsingeha Ragihandina ya Serokwezîr

Civîna Civata Wezîrên Îraqê

Civata Wezîrên Îraqê di civîna xwe ya îro, roja Sêşemê 23ê Îlona 2025an de biryar da ku mûçeyên mûçexwerên Herêma Kurdistanê yên heyva Tîrmehê bide.

Civata Wezîrên Îraqê îro civîna xwe ya asayî bi serokatiya Serokwezîr Mihemed Şeyah El Sudanî li dar xist, her çend pirsa mûçeyên mûçexwerên herêmê di rojeva civînê de nebû jî, lê di dawiya ivînê de ji aliyê El-Sudanî ve behsa wê pirsê hat kirin.

Li gorî zanyariyên ku PUKmedia bi dest xistiye , piştî gotûbîjîn li ser peymana sê alî ya ji bo ji nû ve destpêkirina hinardekirina petrola ku li Herêma Kurdistanê tê hilberandin di navbera hikûmeta federal, hikûmeta herêmê û kompaniyên navneteweyî yên hilberînerên petrolê de, her weha raya Civata Dewletê ya li ser hawirdekirina petrolê ya herêmê, Civata Wezîran biryar da ku mûçeyên mûçexwerên Herêma Kurdistanê yên heyva Tîrmehê bide,ev piştî wê yekê hat ku hikûmeta herêmê 120 milyar dînar wekî deynê xezîneya federal ji dahatên navxweyî yên herêmê şandiye Bexdayê.

Wezareta Darayî ya Hikûmeta Herêma Kurdistanê lîstên mûçeyên heyvên Tîrmeh û Tebaxê ji Wezareta Darayî ya Federal re şandiye.

 Li gorî PUKMEDIAyê , lîste hatine kontrolkirin û tê çavrêkirin ku herêm hefteya bê lîstên mûçeyên heyva Îlonê jî bişîne.

PUKMEDIA