Civata Wezîran pirsa mûçeyên fermanberên herêmê gotûbêj dike

Arşîv

Civîna Civata Wezîran ya Îraqê

Biryar e; îro Civata Wezîran ya Îraqê civînek e asayî saz bike daku li ser çend pirsan, di nav de çareserkirina pirsgirêka mûçeyên Fermanberên Herêma Kurdistanê,piştî rêkeftina li ser hinardekirina petrolê, gotûbêj bike.

Piştî derbazbûna çend heyvan li ser aloziyan, Bexda û Hewlerê bi kompaniyên biyanî re li hevkirin ku ji bo ji nû ve destpêkirina hinardekirina petrolê ji Herêma Kurdistanê bi riya Bendera Cîhanî ya Turkiyê, hinardekirina petrolê ji nû ve dest pê bike.

Li gorî vê lihevkirinê,divê kompaniyên biyanî li şûna pişka rastexwe ya nextêne yan dahata petrolê; mûçeyê werbigirin.

Di heman demê de, pispor pêşbînî dikin ku hinardekirin bi riya bendera Ceyhan bi şiyana destpêkê ya nêzîkî 100 hezar bermîl di rojekê de dest pê dike, û piştî temamkirina amadekariyan û peymanên teknîkî û lojîstîkî yên bi Turkiyê re, ku girîngiya stratejîk ya benderê vedigerîne, hêdî hêdî dê bigihîje 300 hezar bermîlan di rojekê de.

Li gorî rêkeftinê, Herêma Kurdistanê pabend e ku rojane 230 hezar bermîl hilberîne,ku ji wê 50 hezar bermîl dê ji bo xerckirina navxweyî were veqetandin,lê petrola mayî dê rojane radestî SOMO were kirin, ku berpirsiyarê hinardekirin û bazarkirinê ye.

Hevdem biryar e di civîna îro de pêşniyara Civata Wezîran de pêşniyara Civata Dewletê ya li ser mijara dahatên ne petrolê yên Herêma Kurdistanê jî tê gotûbîjkirin, her weha piştî çareserkirina van her du pirsan, mijara sêyemîn jî tê gotûbêjkirin, derbarê vê pirsê jî Dr. Nermin Merûf, endama Komîteya Darayî ya Parlemana Îraqê, ji PUKMEDIA re ragihand ku eger pirsa hinardekirina petrolê û dahatên ne petrolê were pejirandin, pirsa mûçeyan jî dê çareser bibe.

PUKMEDIA