Dema wergirtina xwendingehên ku wekî navendên dengdanê dê bên bikaranîn hat diyarîkirin

PUKMEDIA

Cûmane El Xelayî

Komîsyona Bilind ya Serbixwe ya Hilbijartinan amadekariyên xwe ji bo lidarxistina Hilbijartinên Civata Nûnerên Îraqê roja 11ê Mijdara 2025an de didomîne û di vê derbarê de, Berdevka Ragihandina Komîsyona Hilbijartinan, Cûmane El-Xalayî ji PUKMEDIA re ragihand ku Komîsyona Hilbijartinan ji bo wergirtina xwendingehên ku wekî navendên dengdanê hatine destnîşankirin, karê xwe bi Wezareta Perwerdehiyê re hemaheng dike.

Her weha askere kir ku,Komîsyon dê ji 5ê Mijdarê hyta 13ê Mijdara 2025an xwendingehan werbigire,bi armanca amadekirina wan ji aliyê teknîkî û lojîstîkî ve daku amadebûna wan ji bo pêşwazîkirina dengdêrên dengdana taybet roja 9ê Mijdarê, û ji bo pêşwazîkirina dengdêrên dengdana giştî roja 11ê Mijdara 2025an de misoger bike.

Xelayî aşkere kir ku komîsyon dê sibê roja Çarşemê, 24ê Îlona 2025an, bi riya 1079 navendên tomarkirinê li hemû parêzgehan,di tevahiya hefteyê de dest bi belavkirina kartên dengdêrên biyometrîk li ser dengdêran bike.

PUKMEDIA