Dr.Letîf Reşîd pêşwazî li Serokkomarê Ermenistanê kir

Nivîsingeha Rojnamevanî ya Serokkomarê Îraqê

Serokkomarê Îraqê digel Serokkomarê Ermenistanê civiya

Di dema beşdarbûna xwe ya civînên Civata Giştî ya Neteweyên Yekbûyî de,Serokkomarê Îraqê Dr. Letîf Cemal Reşîd duh roja Duşemê rêkefta (22-09-2025) an li mala xwe ya li New Yorkê pêşwazî li Serokê Ermenistanê Vahagan Khachaturian kir.

Her du serokan li ser peywendiyên dualî yên di navbera her du welatan de û çawaniya pêşxistina hevkariyê di warên aborî, çandî û perwerdehiya bilind de gotûbêj kirin û serokkomarê Îraqê tekez li ser girîngiya berfirehkirina asoyên hevkarî û hemahengiyê di forumên navneteweyî de kir.

Her weha di civînê de li ser xebata civînên Civata Giştî û encamên wan, û her wiha rewşa navneteweyî ya heyî gotûbêj kirin û her du serokan li ser pirsgirêkên ku civaka navneteweyî pêre rû bi rû ye, di nav de zêdebûna aloziyên navneteweyî û qeyrana ewlehiya xwarin û wuzeya ji bo çareserkirina pevçûnan û parastina aştî û ewlehiya navneteweyî, nêrînên xwe parve kirin, hevdem tekez li ser pêwîstiya rêzgirtina li yasayên navneteweyî û pêşvebirina prensîba diyalogê ji bo çareserkirina nakokiyan û parastina aştî û ewlehiya navneteweyî kirin.

Her di hevdîtinê de,her du aliyan pabendbûna xwe ji bo piştgiriya hewildanên piralî ji bo çareserkirina pirsgirêkên gerdûnî û pêşxistina hevgirtina navneteweyî di rûbirûbûna qeyranên ewlehî, mirovî û aborî de ji nû ve tekez kir.

Ev yek di demekê de ye ku di civînê de, Cîgirê Serokwezîr Qubad Talebanî û Wezîrê Tenduristiyê Dr. SalIh Hesnewî; Serokê Nivîsgeha Serokkomariyê Dr. Kamil Duleymî; Şêwirmendê Serokwezîr Xalid Yaqûbî û hejmarek ji berpirsên payebilind yên herdu aliyan amade bûn.

PUKMEDIA